ದೇಹ ಜಾವೋ ಅಥವಾ ರಾಹೋ.. (ಅನುವಾದ)

ಆತ್ಮೀಯ ಗೆಳೆಯ ಪಾಂಡುರಂಗ,


ನಿನ್ನದೇನೋ ಬೇರೇಯೇ ಇಚ್ಛೆಯಿರಬಹುದು, ನಿನ್ನ ಭೇಟಿಯಾಗುವೆಂದು ಬಲು ಆಸೆಯಿಂದ ಕಾಯುತ್ತಿದ್ದೆ; ಚಂದ್ರಭಾಗದಲಿ ಮಿಂದು ಸೊಂಟದ ಮೇಲೆ ಕರವಿರಿಸಿ ಇಟ್ಟಿಗೆಯ ತುಂಡಿನ ಮೇಲೆ ನಿಂತು ಪುರಂದರನಿಗಾಗಿ ಕಾದವನ ದರುಶನ ಮಾಡುವೆನೆಂದು! ನಾಮ, ತುಕರಾಮ, ಜ್ಞಾನದೇವ, ಪಂಡರಿಬಾಯಿ.. ಸಂತರ ರಚನೆಗಳನು ಸನ್ಮಿತ್ರರೊಡನೆ ಪಾಡುತ್ತಾ ನಿನ್ನಲ್ಲಿಗೆ ಬರುವಳಿದ್ದೆ! ಇರಲಿ ಬಿಡೋ, ಬೆಳಿಗ್ಗಿನಿಂದ ನಿನ್ನ ಮನೋಹರ ರೂಪ ಕಣ್ಣೆದುರು ಕಾಣುತ್ತಿದೆ. ಮುಂದೆಂದಾರೂ ನನ್ನನ್ನು ಕರೆಸಿಕೊಳ್ಳು, ನನ್ನೊಡೆಯ!

ನಾಮದೇವನ ರಚನೆಯೊಂದನ್ನು ಕನ್ನಡದಲ್ಲಿ ಅನುವಾದಿಸಿ ನಿನ್ನ ಚರಣಕರ್ಪಿಸಿದ್ದೇನೆ. ಮೆಚ್ಚಿಕೊಳ್ಲ ಇಲ್ಲಾ ಮೆಚ್ಚಿಕೊಳ್ಳದಿರು, ನಿನ್ನಿಚ್ಛೆ!


ಕಾಯವಿದು ಇರಲಿ ಇಲ್ಲಾ ಬಿದ್ದು ಹೋಗಲಿ
ಪಾಂಡುರಂಗನ ಮೇಲೆನ ದೃಢಭಾವಕೆ ಚ್ಯುತಿ ಬರದಿರಲಿ||

ಈ ಪಾದಕಮಲಗಳನೆಂದಿಗೂ ಬಿಡೆನು
ನಿನ್ನಾಣೆ ಪಂಡರಿನಾಥ||

ಜಿಹ್ವೆಯಲಿ ನಿನ್ನ ಮಂಗಲನಾಮ
ಹೃದಯದಲಿ ಅಖಂಡಿತ ಪ್ರೇಮ||

ನಾಮನು ಪೇಳುವನು ಕೇಶವರಾಜ,
ಶಪಥ ಮಾಡಿಹೆನು ನಡೆಯುವೆನೆಂದು||

ಸುಮನ ಕಲ್ಯಾಣಪುರ ಅವರ ಕಂಠದಲ್ಲಿ,