ನಮಗೆ ನಮ್ಮ ಆಲೋಚನೆಗಳನ್ನು ಮತ್ತು ಜೀವನಕ್ರಮವನ್ನು ಉತ್ತಮಗೊಳಿಸಲು ಸಮಯವಿಲ್ಲವೆಂದರೆ ತುಂಬಾ ದೂರದ ಪ್ರಯಾಣದ ಮಧ್ಯೆ ಇಂದನವನ್ನು ತುಂಬಿಸಲು ಸಮಯವಿಲ್ಲವೆಂದೇ ತಾನೆ! ಪ್ರಯಾಣ ಎಲ್ಲಿ ನಿಲ್ಲುತ್ತದೆಂಬುದು ಯಾರಿಗೆ ಗೊತ್ತು?

01 June, 2018

ಪಥ..


ಒಲವೇ,
ನಿನ್ನದೀ ಪಥವು, ಕೇವಲ ನಿನ್ನದು
ಅವರಿವರು ಜತೆ ಕೊಡಬಹುದೇನೋ ಒಂದಿಷ್ಟು ದೂರ
ಕೈ ಹಿಡಿದು ಮತ್ತೊಂದಿಷ್ಟು ದೂರ..
ಕೊನೆಗೂ ನಿನ್ನ ಪಥ ನೀನೇ ಕ್ರಮಿಸಬೇಕು ನೋಡು!
-ರೂಮಿ (ಭಾವಾನುವಾದ)

ಜಿಂದಗಿ ಪ್ಯಾರಕಾ ಗೀತ ಹೈ!


ಜಿಂದಗಿ ಪ್ಯಾರಕಾ ಗೀತ ಹೈ!


ಬದುಕೊಂದು ಒಲವಿನ ಗೀತೆ
ತಾಳ ಮೇಳದಲಿ ಹಾಡಲುಬೇಕು|
ಈ ಬದುಕೊಂದು ಒಲವಿನ ಗೀತೆ
ತಾಳ ಮೇಳದಲಿ ಹಾಡಲುಬೇಕು|
ಈ ಬದುಕು ನೋವಿನ ಆಗರವು
ನಗುನಗುತಲೇ ಪಾಗರ ದಾಟಬೇಕು||


ಈ ಬದುಕೊಂದು ಅನುಭೂತಿ
ಭಗ್ನ ಮನಕೊಂದು ಆಶಾದೀಪ್ತಿ|
ಈ ಬದುಕೊಂದು ಅನುಭೂತಿ
ಭಗ್ನ ಮನಕೊಂದು ಆಶಾದೀಪ್ತಿ|
ಈ ಬದುಕೊಂದು ಪರವೂರು
ಕಾಲನಾಣತಿಯಂತೆ ಮರಳಲೇಬೇಕು||

ಈ ಬದುಕೊಂದು ಒಲವಿನ ಗೀತೆ
ತಾಳ ಮೇಳದಲಿ ಹಾಡಬೇಕು||

ಈ ಬದುಕಿಗೊಂದಿಷ್ಟೂ ನಿಷ್ಠೆಯಿಲ್ಲ ಆದರೂ ಏನಂತೆ
ನಮ್ಮವರೆಲ್ಲ ಆಗ್ರಹವನೆದುರಿಸುವೆನು ಛಲದಿಂದಲೇ|
ಈ ಬದುಕಿಗೊಂದಿಷ್ಟೂ ನಿಷ್ಠೆಯಿಲ್ಲ ಆದರೂ ಏನಂತೆ
ನಮ್ಮವರೆಲ್ಲ ಆಗ್ರಹವನೆದುರಿಸುವೆನು ಛಲದಿಂದಲೇ|
ನಮ್ಮಿಬ್ಬರ ಕೈಗಳು ಬೆಸೆಯದಿದ್ದರೇನಂತೆ
ಮನದ ಬೆಸುಗೆಗೆ ತಡೆಯಿಲ್ಲವಂತೆ||

ಈ ಬದುಕೊಂದು ಒಲವಿನ ಗೀತೆ
ತಾಳ ಮೇಳದಲಿ ಹಾಡಲುಬೇಕು||

ಈ ಬದುಕೊಂದು ಮಂದಸ್ಮಿತೆಯಂತೆ
ನೋವಿನ ಅಸ್ಮಿತೆಯೂ ಹೌದಂತೆ|
ಈ ಬದುಕೊಂದು ಮಂದಸ್ಮಿತೆಯಂತೆ
ನೋವಿನ ಅಸ್ಮಿತೆಯೂ ಹೌದಂತೆ|
ಈ ಬದುಕೊಂದು ಅತಿಥಿಯಂತೆ
ಒಡೆಯನಿಗೆ ಮರಳಿ ಒಪ್ಪಿಸಲೇಬೇಕಂತೆ||

ಈ ಬದುಕೊಂದು ಒಲವಿನ ಗೀತೆ
ತಾಳ ಮೇಳದಲಿ ಹಾಡಲುಬೇಕು||
ಈ ಬದುಕು ನೋವಿನ ಆಗರವು
ನಗುನಗುತಲೇ ಪಾಗರ ದಾಟಬೇಕು||





31 May, 2018

ನೀ ಎದುರಾಗುವ, ಹಾಗೆಯೇ ಮರೆಯಾಗುವ ಘಳಿಗೆ!


ಒಲವೇ,
ಹೀಗೊಂದು ಥಟ್ಟನೆ ನೀನೆದುರಾಗುವ
ಹಾಗೆಯೇ ಮರೆಯಾಗುವ ಘಳಿಗೆ
ಕೈ ಮುಷ್ಟಿಯೊಳಗಿನ  ಮರಳಿನಂತೆ
ಕಣ್ತೆರೆದಂತೆ ಮಾಯವಾಗುವ ಕನಸಿನಂತೆ
ಸೆರೆ ಹಿಡಿಯಲು ಅಸಾಧ್ಯವನೋ…
ಬೆನ್ನಾಯಿಸಿ ನಿಟ್ಟುಸಿರು ಹೊರದೂಡುತ್ತ
ರೆಪ್ಪೆ ಮುಚ್ಚಿದರೆ ಮುಗುಳ್ನಗುವ
ನಿನ್ನ ವದನ ನನ್ನೆದುರಲ್ಲಿ…



03 December, 2017

ಅರಿವು


01 October, 2017

ಚಂದದ ಪದಗಳು...

The wonderful words
------------------------------

Never let a thought shrivel and die
For want of a way to say it
For English is a wonderful game
And all of you can play it.

All that you do is match the words
To the brightest thoughts in your head
So that they come out clear and true
And handsomely groomed and fed-
For many of the loveliest things
Have never yet been said.

Words are the food and dress of thought
They give its body and swing
And everyone’s longing today to hear
Some fresh and beautiful thing:
But only words can free a thought
From its prison behind your eyes
May be your mind is holding now
A marvellous new surprise!

-Mary O'Neill


ತಡೆಯಲಾಗಲಿಲ್ಲ ಈ ಕವನ ಕಣ್ಣಿಗೆ ಬಿದ್ದಾಗ, ಬರೆಸಿಯೇ ಬಿಟ್ಟಿತು ಭಾವಾನುವಾದ.

ಚಂದದ ಪದಗಳಾಗಿ ಹೊಮ್ಮಲಿ ಭಾವಗಳು!
------------------------------------

ಒಣಗಿ, ಮುದುಡಿ, ಗತವಾಗದಿರಲಿ ಭಾವಗಳು
ಹೇಗೆ ವ್ಯಕ್ತಪಡಿಸಲೆಂದು ಕಾಡದಿರಲಿ
ಅದ್ಭುತ ಪದಗಳಿವೆ ನಮ್ಮ ಭಾಷೆಯಲಿ
ಮತ್ತು ನೀನೊಮ್ಮೆ ಆಡಿ ನೋಡಂತೆ

ಹೊಂದಿಸಿ ನೋಡಂತೆ ಪದಗಳನು ಮತ್ತು
ನಿನ್ನೊಳಗಿನ ಅನುಭೂತಿಯನು ಒಂದಕ್ಕೊಂದು
ದಿಟ ಮತ್ತು ಸ್ಫುಟ ಭಾವ ಪದಗಳಲಿ ಪ್ರತಿಫಲನ
ಹೇಳದೆ ಉಳಿದು ಮನದೊಳಗೆ ಕಾಡುವ ಮಾತುಗಳು
ಸಿಂಗಾರಗೊಂಡು ಹೊರಡುವವು ಭಾವತುಂಬಿ

 ಪದಗಳು ಭಾವಗಳ ಗ್ರಾಸ, ಉಡುಗೆಯೂ
ಒಡಲಲಿ ತುಂಬಿ ಭಾವ ಓಲಾಟ ತೋರುವವು
ತವಕವಿದೆ ಎಲ್ಲರಿಗೂ ಎಲ್ಲರಿಂದಲೂ ಕೇಳಲಿ
ಚಂದ ಚೈತನ್ಯಭರಿತ ಮಾತುಗಳು
ಪದಗಳೇ ಬಿಡುಗಡೆ ನೀಡುವುದು
ಕಣ್ಣೊಳಗೆ ಕಟ್ಟಿಹಾಕಿದ ಭಾವಗಳಿಗೆ
ಭಾವವೊಂದು ಹುಟ್ಟಿರಬೇಕು ಮನದೊಳಗೆ
ಕೌತಕ, ಹೊಸ ಅಚ್ಚರಿಯನೀಯುವ!

28 September, 2017

ಒಲವೇ, ನಿನ್ನನರಿಯುವ ಯತ್ನದಲಿ...

ಒಲವೇ,

ನಿನ್ನರಿಯುವ ಯತ್ನದಲಿ ನಾ ನನ್ನರಿತೆ..
ನನ್ನೊಳಗಡಗಿರುವ ನಿನ್ನ ಬೆಂಬೆತ್ತಿದವಳ
ಒಳಮುಖ ನಡೆಯಲಿ ದಿವ್ಯಾನುಭವದ ಪ್ರಾಪ್ತಿ
ನೀನೇ ಪುಟವಿಟ್ಟ ಕನ್ನಡಿಯಲ್ಲಿ ಬಿಂಬ
ಈಗ ಎಲ್ಲವೂ ಸ್ಫುಟ ಮತ್ತು ಪರಿಶುದ್ಧ!

-ಪ್ರೇರಣೆ ರೂಮಿ

16 July, 2017

ಕಬೀರ-ದೋಹಾ! ಅನುವಾದ


ರಭಸದಿ ತಿರುಗುತಿದೆ ಬೀಸುಗಲ್ಲು, ಕಬೀರನ ಕಣ್ಣಲ್ಲಿ ನೀರು

ಅಯ್ಯೋ, ದ್ವಂದ್ವ ಚಕ್ರಗಳೆಯಡೆಯಲಿ ಬದುಕು ನುಚ್ಚುನೂರು!


ದಪ್ಪ ದಪ್ಪ ಗ್ರಂಥಗಳನು ಅರೆದು ಮಿದುಳಿಗೆ ತಿಕ್ಕಿದರೂ ಆಗಲಿಲ್ಲ ಪಂಡಿತ

ಅರಿತರೆ ಸಾಕಿತ್ತು, ಒಲವೆಂಬ ಮೂರು ಅಕ್ಷರಗಳ ಮಹಿಮೆ ಕಿಂಚಿತ್!

24 May, 2017

ಮತ್ತೆ ಮತ್ತೆ ಮಾರ್ದನಿಸುವೆ!

ಒಲವೇ,

ನನಗಿದರ ಅರಿವಿದೆ ಕಣೋ,
ನೀನೊಂದು ಮಹಾ ಪರ್ವತ
ಮತ್ತು ನಿನ್ನ ಕರೆದಾಗಲೆಲ್ಲ

ಮತ್ತೆ ಮತ್ತೆ ಮಾರ್ದನಿಸುವೆ!

ಒಲವು ಮತ್ತು ತಿರುವಿನ ಹಾದಿ!

ಒಲವೇ,
ತಿರುವಿನ ಹಾದಿಯಲಿ ನಾವು ಎದುರುಬದುರಾದೆವು
ನಮ್ಮ ಹೆಜ್ಜೆಗಳು ಸದ್ದಿಲ್ಲದೆ ಜತೆಗೂಡಿದವು.
ಅದೊಂದು ದಿನ ಹಾದಿ ಕವಲೊಡೆಯಿತು,

ಮತ್ತು  ಛಾಯೆಗಳು ಅಲ್ಲೇ ಉಳಿದವು!

ಈ ಬರಹಗಳೂ ನಿಮಗಿಷ್ಟವಾಗಬಹುದು!

Related Posts Plugin for WordPress, Blogger...