ಬೊಗಸೆ ತುಂಬ ಪಾರಿಜಾತ ಗಂಧ!

ಒಲವೇ,

ಹ್ಮ್, ನನಗೇನೂ ನೆನಪಾಗುತ್ತಿಲ್ಲವಲ್ಲ

ನನ್ನೊಲವೇ ಅದ್ಹೇಗೆ, ಅದ್ಯಾವಾಗ

ನನಗಿಷ್ಟು ನೀನಾದೆ ಸುಪರಿಚಿತ

ನೆನಪಿಸಿಕೊಳ್ಳಲು ಮನದಾಳಕೆ

ಇಳಿದ ಹಾಗೆ ಮತ್ತಿಷ್ಟು ಹತ್ತಿರ

ನಿನ್ನೀ ನಸುನಗೆ, ಬಿರುನಗೆ

ನಿನ್ನೀ ಪಿಸುನುಡಿ,  ಆಲಾಪ

ಯಾವೂದೂ ಅಪರಿಚಿತವಲ್ಲ

ಮತ್ಯಾವುದೋ ಜನುಮದ ಪಳೆಯುಳಿಕೆ

ಸುಮ್ಮನೇ ನಸು ನಗುತ್ತೇನೆ

ಬೊಗಸೆ ತುಂಬಾ ಪಾರಿಜಾತ ಗಂಧ!

ಬುವಿಗಿಳಿಯುವ ಒಲವಿನ ಸಂದೇಶ..

 ಆ ಶ್ವೇತ ರಂಗಿನ ಎಸಳುಗಳ ಕೊನೆಯಲಿ ಸೇರುವ ಕೇಸರಿ ರಂಗಿನ ಡಬ್ಬಿಯ ಜೇನಿನಲಿ ಒಂದಿಷ್ಟು ಅನುರಾಗ, ಒಂದಿಷ್ಟು ಧೀ ಶಕ್ತಿ, ಒಂದಿಷ್ಟು ಸಾಂತ್ವನ,  ಒಂದಿಷ್ಟು ಸಹಿಷ್ಣುತೆ... ತುಂಬಿ ಬುವಿಗಿಳಿಯುವ ನನ್ನೊಲವಿನ ಸಂದೇಶ