ಅವನ ಮಿಣುಕು ನೋಟವೇ ನನ್ನ ನಂದಾದೀಪ!

I seek the light only from YOU... So she says!

ಅವ
ವಿದ್ಯುತ್ ಮೊಬಲಗು ಕಟ್ಟಿರಲಿಲ್ಲವೋ ಅಥವಾ ಬೆಳಗಿನಿಂದ ಬೀಸಿ ಸುರಿದ ಗಾಳಿ-ಮಳೆಗೋ, ಇನ್ನೇನೋ ಕಾರಣವೋ.. ಮನೆಯಲ್ಲಿ ಹಚ್ಚಿಟ್ಟ ಮೊಂಬತ್ತಿಗಳು ಕಣ್ಣುಮುಚ್ಚಾಲೆಯಾಡುತ್ತಿದ್ದವು.
ಕತ್ತಲು ತುಂಬಿದ ಕೋಣೆಯ ಕಿಟಿಕಿಯ ಸರಳುಗಳಿಗೆ ಮುಖವೊತ್ತಿ ದೂರ ಆಗಸದತ್ತ ನೋಟ ಚೆಲ್ಲಿದ್ದಳು, ಅದ್ಯಾವುದೋ ನಿರೀಕ್ಷೆ ಕಪ್ಪು ಬಳಿದ ಕಣ್ಣುಗಳಲ್ಲಿ...
"ಅಲ್ಲೇನು ಕಿಟಿಕಿಯ ಬಳಿ ನಿಂತಿದ್ದಿಯೇ! ಬಾ, ಹಾಲು ಚೆಲ್ಲಿರುವ ಅಂಗಣದ ಚೆಲುವ ನೋಡು"
 'ಹ್ಮ್, ಇವರಿಗರಿವಾಗುವುದಾದರೂ ಹೇಗೆ,  ಅನತಿ ದೂರವಿರುವ ಆ ಚುಕ್ಕಿಯ ಮಿಣುಕು ನೋಟವೇ ನನ್ನ ಮನದ ಗುಡಿಯ ನಂದಾದೀಪ'

-ಅವಳ ಡೈರಿಯ ಪುಟಗಳಿಂದ

ಚುಕ್ಕಿ ಮಾತ್ರ ಉಳಿದಿದೆ ನನ್ನ ಪಾಲಿಗಿಂದು!

ಚುಕ್ಕಿ ಮಾತ್ರ ಉಳಿದಿದೆ ನನ್ನ ಪಾಲಿಗಿಂದು!

ಒಲವೇ,
ಹಾಗೆಲ್ಲ ಅವಳಷ್ಟೇ ಬಿಡಲಾಗದಿನ್ನು
ನೀನೇನು ಸಮಜಾಯಿಸಿ ಕೊಟ್ಟರೂ
ಕೇಳಲಾರೆ ನಾನಿನ್ನು
ಮತ್ತೆ ಕಪ್ಪು ಕುಳಿಯೊಳಗಿಂದ
ಹೊರತರಲಾಗದು ನನ್ನಿಂದಿನ್ನು
ಅವಳ ಬಿಟ್ಟು ನನಗ್ಯಾರಿಹರು ಹೇಳಿನ್ನು
ಅವಳಷ್ಟು ಚೆನ್ನಾಗಿ ನನ್ನನರಿತವರು
ಕಟ್ಟು ಪಾಡಿಗಳ ಬಂಧಿಯಂತೆ ನೀನು
ನನ್ನೆಲ್ಲ ಬಡಬಡಿಕೆಗಳನು ಖಾಲಿ
ಮಾಡ್ಹಲೇಗೆ ಹೇಳು
ಅವಳ ಮೌನದಿಂದ ಘಾಸಿಗೀಡಾದವಳು
ನಾನೊಬ್ಬಳೇ ತಾನೇ...
ಚುಕ್ಕಿ ಲೆಕ್ಕ ಮಾತ್ರ ನನ್ನ ಪಾಲಿಗಿಂದು!

ಒಮ್ಮೆ ಅವಳ ಬಳಿ ಮಾತಾಡು, ಒಲವೇ!

ಒಮ್ಮೆ ಅವಳ ಬಳಿ ಮಾತಾಡು!

--------------------

ಒಲವೇ,

ನಿನಗೇನನಿಸುವುದು..

ಅವಳು ಅವಳಾಗಿ ಉಳಿದಿಲ್ಲ!

ಕಿವಿ ಮುಚ್ಚುವಷ್ಟು ವಟಗುಟ್ಟುತ್ತಿದ್ದವಳು,

ಹೀಗೆ ಒಮ್ಮೆಲೇ ಮಾತು ಮರೆತು ಬಿಟ್ಟಳೇನು!

ಕೇಳಿದರೆ, ಬರೇ ಮೂರು

ಚುಕ್ಕಿಗಳ ರಂಗೋಲಿ ಹಾಕುವಳು.

ಅವನ ಬಗ್ಗೆ ಅದೆಷ್ಟು ಕೊರೆತ

ತಡೆಯಲಾರದೆ ನನ್ನ ಮೊರೆತ,

ಮಾತು ಬಿಟ್ಟಳೇನು!

ಅಥವಾ…

ಬೇಡ, ಬಿಡು ಹಾಗಾಗಲಿಕ್ಕಿಲ್ಲ

ವಿಧಿ ಮತ್ತೆ ಅಷ್ಟು ಕ್ರೂರಿ ಆಗಲಿಕ್ಕಿಲ್ಲ,

ಆದರೂ ನೀನೊಮ್ಮೆ

ಅವಳ ಬಳಿ ಮಾತಾಡು!

ಅವಳ ಡೈರಿಯ ಪುಟಗಳಿಂದ..

ಮನು ಅದೇನೋ ಹೇಳಿದನು,

ಇವನು ಅದೇನೋ ಅರ್ಥಮಾಡಿಕೊಂಡನು.

ಚಿತ್ರಗುಪ್ತನ ಲೆಡ್ಜರಿನಲ್ಲಿ ಗಂಡಿಗೂ ಹೆಣ್ಣಿನ ಕರ್ಮಗಳಿಗೆಲ್ಲಾ ಸಮಾನ ಎಂಟ್ರಿ ಮತ್ತು

ಜವರಾಯ ಸಮಾನ ನ್ಯಾಯ ವಿಚಾರಣೆ ಮಾಡ್ತಾನೆ ಅಂತ ಗೊತ್ತಾದ್ಮೇಲಾದ್ರೂ ತಾನು ಏನು ಮಾಡಿದ್ರೂ ನಡೆಯುತ್ತೆ ಎನ್ನುವ ಹಮ್ಮು ಇಳಿಯುತ್ತೇನೋ!!!

-ಅವಳ ಡೈರಿಯ ಪುಟಗಳಿಂದ

ಅವಳ ಡೈರಿಯ ಪುಟಗಳಿಂದ

“ಬದುಕಿನ ಕ್ಯಾನ್ವಾಸಿನ ಚೌಕಟ್ಟನ್ನು ತೆಗೆದು ಬಿಡು... ಎಳೆದೆಳೆದು ವಿಸ್ತರಿಸು, ಕುಂಚವನ್ನು ಕೈಗೆತ್ತಿಕೋ. ರಂಗುಗಳಲ್ಲಿ ಅದ್ದಿ ಒಮ್ಮೆ ಬೀಸಿ ಬಿಡು. ಮತ್ತೆ ನೋಡಂತೆ, ಕ್ಯಾನ್ವಾಸಿನ ಮೇಲಿನ ಬಣ್ಣಗಳ ಪ್ರತಿಚ್ಛಾಯೆ ನಿನ್ನ ಮನದ ಗುಡಿಯ ಗೋಡೆಗಳಿಗೂ, ನಿನ್ನೀ ತೊಗಲಿಗೂ ಅದ್ದಿಕೊಳ್ಳದಿದ್ದರೆ ಕೇಳು, ನನ್ನ ಹೆಸರನೇ ಬದಲಿಸಂತೆ!”

-ಅವಳ ಡೈರಿಯ ಪುಟಗಳಿಂದ

ಹ್ಮ್.. ಹೌದಲ್ವಾ! ನೀ ಹೆಸರನ್ ಬದಲಿಸಬೇಕಾಗಿಲ್ಲ ಅಂದ್ರೆ ಸಾಕಲ್ವ!