ತಿರುವಿನ ಹಾದಿ ಮತ್ತು ಹೆಜ್ಜೆಗಳು!

ಒಲವೇ,

ಆ ತಿರುವಿನ ಹಾದಿಯಲಿ ನೀ ಎದುರಾದೆ,

ನಮ್ಮ ಹೆಜ್ಜೆಗಳು ಸದ್ದಿಲ್ಲದೆ ಜತೆಗೂಡಿದವು.

ಅದೊಂದು ದಿನ ಹಾದಿ ಕವಲೊಡೆಯಿತು,

ಮತ್ತು  ಹೆಜ್ಜೆಗಳು ಅಲ್ಲೇ ಬಾಕಿ ಉಳಿದವು!

“ಕೋಣನ ಮುಂದೆ ಕಿನ್ನರಿ ಬಾರಿಸಿದ ಹಾಗೆ... “

“ಕೋಣನ  ಮುಂದೆ ಕಿನ್ನರಿ ಬಾರಿಸಿದ ಹಾಗೆ... “
____________________________________

“ಹುಡುಗನ ಕಡೆಯವರು ಏನೂ ಕೇಳಿಲ್ಲವೇನು ಸರಿ, ಆದರೆ ಬೋಳು ಕುತ್ತಿಗೆಯಲ್ಲಿ ಕನ್ಯಾದಾನ ಮಾಡೋಕ್ಕಾಗುತ್ತಾ! ನೀವು ಸ್ವಲ್ಪ ಸಮಯ ನಿಮ್ಮ ಹವ್ಯಾಸಗಳಿಗೆ ನಾಕಾಬಂದಿ ಮಾಡ್ಕೊಳ್ಳಿ... "
ಬಾಯಿ ಒಣಗುವ ತನಕ ಹೇಳುತ್ತಲೇ ಇದ್ದಳು.
ತಲೆ ಅತ್ತಿತ್ತ ತೂಗಾಡಿತು...
ಮರುದಿನ ಮಾಲುತ್ತಾ ಬಂದವನನ್ನೂ, ಅವನ ಖಾಲಿ ಕಿಸೆಯನ್ನೂ ನೋಡಿ,
“ಕೋಣನ ಮುಂದೆ ಕಿನ್ನರಿ ಬಾರಿಸಿದ ಹಾಗೆ.. “
ಅತ್ತೆ ಗೊಣಗಿದರು!

ಹ್ರಸ್ವ ಕತೆ..

ಇಬ್ಬರೂ ಪೈಪೋಟಿಯಲ್ಲಿ ಎಳೆದಾಗ ಮೊದಲೇ ಶಿಥಿಲವಾಗಿದ್ದ ರೇಶ್ಮೆ ಪತ್ತಲ ಎರಡು ಭಾಗ!
’ಹ್ಮ್, ಅವನಿಗೆ ಬೇಡವಾದದ್ದು ನನಗೂ ಯಾಕೆ! ನಾನೇನು ಕಡಿಮೆ, ಹೊಸತೇ ಕೊಳ್ಳುವೆ.’
ರಸ್ತೆ ದಾಟಿ ಕಸದ ಬುಟ್ಟಿಯತ್ತ ನಡೆದವಳಿಗೆ ತಾನೇ ನೇಯ್ದ ಕಸೂತಿ ಕಾಣಿಸಿತು..
ಕೈ ತಡೆಯಿತು, ಕಾಲು ಬಂದ ದಾರಿಯಲ್ಲೇ ಮತ್ತೆ ಸಾಗಿತು.
ತೇಪೆ ಹಚ್ಚಲು ಕುಳಿತವಳ ಕಣ್ಣಲ್ಲಿ ಮತ್ತೆ ಹೊಸ ಬೆಳಕು!


"Take the road less travelled", they said.
She checked the travelogue and called travel office, booked her tickets to home.
- Priyanka

ಇಬ್ಬರೂ ಎಳೆದಾಡಿ ಹರಿದ ರೇಶ್ಮೆ ಪತ್ತಲದೊಂದಿಗೆ ಹೊಸ್ತಿಲು ದಾಟಿದವಳಿಗೆ ತಾನೇ ನೇಯ್ದ ಕಸೂತಿ ಬೇಡಿಯಾಯ್ತು. ಮತ್ತೆ ಅದೇ ಬದುಕಿನೊಂದಿಗೆ ಹೊರಾಡುವ ಸಂಕಲ್ಪದೊಂದಿಗೆ ಮನೆಯೊಳಗೆ ನಡೆದಳು!