ಪಥ..

ಒಲವೇ,

ನಿನ್ನದೀ ಪಥವು, ಕೇವಲ ನಿನ್ನದು

ಅವರಿವರು ಜತೆ ಕೊಡಬಹುದೇನೋ ಒಂದಿಷ್ಟು ದೂರ

ಕೈ ಹಿಡಿದು ಮತ್ತೊಂದಿಷ್ಟು ದೂರ..

ಕೊನೆಗೂ ನಿನ್ನ ಪಥ ನೀನೇ ಕ್ರಮಿಸಬೇಕು ನೋಡು!

-ರೂಮಿ (ಭಾವಾನುವಾದ)

ಜಿಂದಗಿ ಪ್ಯಾರಕಾ ಗೀತ ಹೈ!

ಜಿಂದಗಿ ಪ್ಯಾರಕಾ ಗೀತ ಹೈ!

ಈ ಬದುಕೊಂದು ಒಲವಿನ ಗೀತೆ

ತಾಳ ಮೇಳದಲಿ ಹಾಡಲುಬೇಕು|

ಈ ಬದುಕೊಂದು ಒಲವಿನ ಗೀತೆ

ತಾಳ ಮೇಳದಲಿ ಹಾಡಲುಬೇಕು|

ಈ ಬದುಕು ನೋವಿನ ಆಗರವು

ನಗುನಗುತಲೇ ಪಾಗರ ದಾಟಬೇಕು||

ಈ ಬದುಕೊಂದು ಅನುಭೂತಿ

ಭಗ್ನ ಮನಕೊಂದು ಆಶಾದೀಪ್ತಿ|

ಈ ಬದುಕೊಂದು ಅನುಭೂತಿ

ಭಗ್ನ ಮನಕೊಂದು ಆಶಾದೀಪ್ತಿ|

ಈ ಬದುಕೊಂದು ಪರವೂರು

ಕಾಲನಾಣತಿಯಂತೆ ಮರಳಲೇಬೇಕು||

ಈ ಬದುಕೊಂದು ಒಲವಿನ ಗೀತೆ

ತಾಳ ಮೇಳದಲಿ ಹಾಡಬೇಕು||

ಈ ಬದುಕಿಗೊಂದಿಷ್ಟೂ ನಿಷ್ಠೆಯಿಲ್ಲ ಆದರೂ ಏನಂತೆ

ನಮ್ಮವರೆಲ್ಲ ಆಗ್ರಹವನೆದುರಿಸುವೆನು ಛಲದಿಂದಲೇ|

ಈ ಬದುಕಿಗೊಂದಿಷ್ಟೂ ನಿಷ್ಠೆಯಿಲ್ಲ ಆದರೂ ಏನಂತೆ

ನಮ್ಮವರೆಲ್ಲ ಆಗ್ರಹವನೆದುರಿಸುವೆನು ಛಲದಿಂದಲೇ|

ನಮ್ಮಿಬ್ಬರ ಕೈಗಳು ಬೆಸೆಯದಿದ್ದರೇನಂತೆ

ಮನದ ಬೆಸುಗೆಗೆ ತಡೆಯಿಲ್ಲವಂತೆ||

ಈ ಬದುಕೊಂದು ಒಲವಿನ ಗೀತೆ

ತಾಳ ಮೇಳದಲಿ ಹಾಡಲುಬೇಕು||

ಈ ಬದುಕೊಂದು ಮಂದಸ್ಮಿತೆಯಂತೆ

ನೋವಿನ ಅಸ್ಮಿತೆಯೂ ಹೌದಂತೆ|

ಈ ಬದುಕೊಂದು ಮಂದಸ್ಮಿತೆಯಂತೆ

ನೋವಿನ ಅಸ್ಮಿತೆಯೂ ಹೌದಂತೆ|

ಈ ಬದುಕೊಂದು ಅತಿಥಿಯಂತೆ

ಒಡೆಯನಿಗೆ ಮರಳಿ ಒಪ್ಪಿಸಲೇಬೇಕಂತೆ||

ಈ ಬದುಕೊಂದು ಒಲವಿನ ಗೀತೆ

ತಾಳ ಮೇಳದಲಿ ಹಾಡಲುಬೇಕು||

ಈ ಬದುಕು ನೋವಿನ ಆಗರವು

ನಗುನಗುತಲೇ ಪಾಗರ ದಾಟಬೇಕು||

ಕಾಲ ಚಕ್ರ!

ಒಲವೇ,

ಹೌದು, ಈಗೀಗ ದಿನಗಳು ಬಲು ಕಠಿಣ,

ಎಲ್ಲರ ತಪ್ಪುಗಳಿಗೂ ನೀನೇ ಹೊಣೆ ಅನ್ನುವವರೇ ಸುತ್ತಲೂ

ಆಪಾದನೆಗಳ ಬೆಟ್ಟದ ಭಾರ ಇನ್ನು ಹೊರಲಾರೆ

ಎಂದು ಬೆನ್ನು ಹಾಕಿ ಹೊರಟೆಯಲ್ಲ,

ಸ್ವಲ್ಪ ತಡೆ, ಕೊನೆಯ ಮಾತು ಕೇಳು

ಬಹುಶಃ ನೀನು ಮರೆತಿರುವೆ,

ಕಾಲ ಮತ್ತು ಹಾದಿ, ಬದಲಾಗುವಿಕೆ

“ಆತನ” ನಿಯಮ!

-ರೂಮಿ ಪ್ರೇರಣೆ

When you go through a hard period,

 When everything seems to oppose you,

When you feel you cannot even bear one more minute,

Never give up,

Because it is the time and place that the course will divert.

ಅವನೊಲವಿನ ಭಾವದಲಿ ನಾನು ಪರವಶ!

ಚುಕ್ಕಿಗಳು ಕಪ್ಪುಕುಳಿಯಕ್ಕಾಳಕ್ಕಿಳಿದು ಮಾಯವಾಗಿ,

ಕತ್ತಲೆಯ ಕರಾಳ ಬಾಹು ಚಂದ್ರಮನ ನುಂಗಿ,

ನಭವು ಸೂತಕದಾಚರಣೆಯಲಿರುವ ತನಕ

ನಾನು ಅವನೊಲವಿನ ಭಾವದಲೇ ಪರವಶ.

-      ಪ್ರೇರಣೆ  ಡಬ್ಲ್ಯು ಬಿ ಯೀಟ್ಸ್ ಅವರ ಕವನ!

ತುಜ್ಸೆ ನಾರಾಸ್ ನಹಿ ಜ಼ಿಂದಗಿ...

ಇಲ್ಲ ಬದುಕೇ,
ನಿನ್ನ ಮೇಲೇನೂ ಕೋಪವಿಲ್ಲ
ಚಕಿತಳಾಗಿರುವೆ ನಾ ಚಕಿತಳಾಗಿರುವೆ
ನಿನ್ನೆಲ್ಲ ಮುಗ್ಧ ಪ್ರಶ್ನೆಗಳಿಗೆ||

ಚಿಂತಿಸಿರಲಿಲ್ಲ ಬದುಕಲು
ನೋವುಗಳನು ಹೊರಬೇಕಾಗುವುದೆಂದು
ನಸುನಕ್ಕರೂ, ನಗುವಿನ ಋಣ ತೀರಿಸಬೇಕಾಗುವುದೆಂದು
ಭಯವೀಗೀಗ ನನಗೆ ಮುಖವರಳಿಸಿದರೂ ಎಲ್ಲಾದರು
ತುಟಿಯ ಮೇಲೆ ಋಣ ಭಾರವಿರಿಸುವೆನೆಂದು ||

ಹಾಗಂತ ಬದುಕೇ,  ಇಲ್ಲ
ನಿನ್ನ ಮೇಲಿಷ್ಟೂ ಕೋಪವಿಲ್ಲ
ಚಕಿತಳಾಗಿರುವೆ ನಾ ಬರೇ ಚಕಿತಳಾಗಿರುವೆ
ನಿನ್ನೆಲ್ಲ ಮುಗ್ಧ ಪ್ರಶ್ನೆಗಳಿಗೆ||

ತುಂಬಿದರೆ ಇಂದು ಹೊರಲಾರದಷ್ಟು
ದಪ್ಪದ ಹನಿಗಳು ಉದುರುವವು
ನಾಳೇನಾಗುವುದೇನೋ
ಅದರರಿವಿಲ್ಲವೀ ಹನಿಗಳಿಗೆ
ಹಂಬಲಿಸುವವೇನೋ ಕಣ್ಣೂಗಳು
ಎಲ್ಲಿ ಯಾವಾಗ ಹೋಗಿದೆಯೇನೋ ಕಳೆದು
ಬಚ್ಚಿದ್ದೆ ಕಂಬನಿಯೊಂದನು||

ಹಾಗಂತ ಬದುಕೇ,  ಇಲ್ಲ
ನಿನ್ನ ಮೇಲಿಷ್ಟೂ ಕೋಪವಿಲ್ಲ
ಚಕಿತಳಾಗಿರುವೆ ನಾ ಬರೇ ಚಕಿತಳಾಗಿರುವೆ
ನಿನ್ನೆಲ್ಲ ಮುಗ್ಧ ಪ್ರಶ್ನೆಗಳಿಗೆ||

ಜ಼ಿಂದಗಿ ಪ್ಯಾರ್ ಕಾ ಗೀತ್ ಹೈ!

Zindag pyar ka geet hai

ಈ ಬದುಕೊಂದು ಒಲವಿನ ಗೀತೆ

ತಾಳ ಮೇಳದಲಿ ಹಾಡಲುಬೇಕು|

ಈ ಬದುಕೊಂದು ಒಲವಿನ ಗೀತೆ

ತಾಳ ಮೇಳದಲಿ ಹಾಡಲುಬೇಕು|

ಈ ಬದುಕು ನೋವಿನ ಆಗರವು

ನಗುನಗುತಲೇ ಪಾಗರ ದಾಟಬೇಕು||

ಈ ಬದುಕೊಂದು ಅನುಭೂತಿ

ಭಗ್ನ ಮನಕೊಂದು ಆಶಾದೀಪ್ತಿ|

ಈ ಬದುಕೊಂದು ಅನುಭೂತಿ

ಭಗ್ನ ಮನಕೊಂದು ಆಶಾದೀಪ್ತಿ|

ಈ ಬದುಕೊಂದು ಪರವೂರು

ಕಾಲನಾಣತಿಯಂತೆ ಮರಳಲೇಬೇಕು||

ಈ ಬದುಕೊಂದು ಒಲವಿನ ಗೀತೆ

ತಾಳ ಮೇಳದಲಿ ಹಾಡಬೇಕು||

ಈ ಬದುಕಿಗೊಂದಿಷ್ಟೂ ನಿಷ್ಠೆಯಿಲ್ಲ ಆದರೂ ಏನಂತೆ

ನಮ್ಮವರೆಲ್ಲ ಆಗ್ರಹವನೆದುರಿಸುವೆನು ಛಲದಿಂದಲೇ|

ಈ ಬದುಕಿಗೊಂದಿಷ್ಟೂ ನಿಷ್ಠೆಯಿಲ್ಲ ಆದರೂ ಏನಂತೆ

ನಮ್ಮವರೆಲ್ಲ ಆಗ್ರಹವನೆದುರಿಸುವೆನು ಛಲದಿಂದಲೇ|

ನಮ್ಮಿಬ್ಬರ ಕೈಗಳು ಬೆಸೆಯದಿದ್ದರೇನಂತೆ

ಮನದ ಬೆಸುಗೆಗೆ ತಡೆಯಿಲ್ಲವಂತೆ||

ಈ ಬದುಕೊಂದು ಒಲವಿನ ಗೀತೆ

ತಾಳ ಮೇಳದಲಿ ಹಾಡಲುಬೇಕು||

ಈ ಬದುಕೊಂದು ಮಂದಸ್ಮಿತೆಯಂತೆ

ನೋವಿನ ಅಸ್ಮಿತೆಯೂ ಹೌದಂತೆ|

ಈ ಬದುಕೊಂದು ಮಂದಸ್ಮಿತೆಯಂತೆ

ನೋವಿನ ಅಸ್ಮಿತೆಯೂ ಹೌದಂತೆ|

ಈ ಬದುಕೊಂದು ಅತಿಥಿಯಂತೆ

ಒಡೆಯನಿಗೆ ಮರಳಿ ಒಪ್ಪಿಸಲೇಬೇಕಂತೆ||

ಈ ಬದುಕೊಂದು ಒಲವಿನ ಗೀತೆ

ತಾಳ ಮೇಳದಲಿ ಹಾಡಲುಬೇಕು||

ಈ ಬದುಕು ನೋವಿನ ಆಗರವು

ನಗುನಗುತಲೇ ಪಾಗರ ದಾಟಬೇಕು||

ಒಲವು ಮತ್ತು ಸಲ್ಲಾಪ

ಒಲವಿಲ್ಲದ ಸರಸ ಸಲ್ಲಾಪ ಕೃಷ್ಣಪಕ್ಷದ ಚಂದಿರನಂತೆ..

ಸರಸವಿಲ್ಲದ ಒಲವೂ ಮೋಡ ಮುಸುಕಿದ ಚಂದಿರನಂತೆ..

ಒಲವೂ ಸರಸವೂ ಜತೆಯಾದರೆ ನಿತ್ಯ ಹುಣ್ಣಿಮೆ, ನಿತ್ಯ ವಸಂತಮಾಸ!

-ಜೇಮ್ಸ್ ಟಿ. ಎಡೆರ್(ಭಾವಾನುವಾದ)

ಮಹಾಕಾವ್ಯ ಒಲವು

ಶಬ್ದಗಳಿಗೆ ನಿಲುಕದ ಮಹಾಕಾವ್ಯ ಒಲವು, ಸುಮ್ಮನಿರುವುದೆ ಒಳಿತು
ಹೋಳಿಗೆ ಮೆದ್ದ ಮೂಕ ಸುಮ್ಮನೆ ಹಲ್ಲು ಕಿಸಿದನಂತೆ ಅರಿತು!
-ಕಬೀರ (ಭಾವಾನುವಾದ)

ಹ್ರಸ್ವ ಕತೆ..

ಇಬ್ಬರೂ ಪೈಪೋಟಿಯಲ್ಲಿ ಎಳೆದಾಗ ಮೊದಲೇ ಶಿಥಿಲವಾಗಿದ್ದ ರೇಶ್ಮೆ ಪತ್ತಲ ಎರಡು ಭಾಗ!
’ಹ್ಮ್, ಅವನಿಗೆ ಬೇಡವಾದದ್ದು ನನಗೂ ಯಾಕೆ! ನಾನೇನು ಕಡಿಮೆ, ಹೊಸತೇ ಕೊಳ್ಳುವೆ.’
ರಸ್ತೆ ದಾಟಿ ಕಸದ ಬುಟ್ಟಿಯತ್ತ ನಡೆದವಳಿಗೆ ತಾನೇ ನೇಯ್ದ ಕಸೂತಿ ಕಾಣಿಸಿತು..
ಕೈ ತಡೆಯಿತು, ಕಾಲು ಬಂದ ದಾರಿಯಲ್ಲೇ ಮತ್ತೆ ಸಾಗಿತು.
ತೇಪೆ ಹಚ್ಚಲು ಕುಳಿತವಳ ಕಣ್ಣಲ್ಲಿ ಮತ್ತೆ ಹೊಸ ಬೆಳಕು!


"Take the road less travelled", they said.
She checked the travelogue and called travel office, booked her tickets to home.
- Priyanka

ಇಬ್ಬರೂ ಎಳೆದಾಡಿ ಹರಿದ ರೇಶ್ಮೆ ಪತ್ತಲದೊಂದಿಗೆ ಹೊಸ್ತಿಲು ದಾಟಿದವಳಿಗೆ ತಾನೇ ನೇಯ್ದ ಕಸೂತಿ ಬೇಡಿಯಾಯ್ತು. ಮತ್ತೆ ಅದೇ ಬದುಕಿನೊಂದಿಗೆ ಹೊರಾಡುವ ಸಂಕಲ್ಪದೊಂದಿಗೆ ಮನೆಯೊಳಗೆ ನಡೆದಳು!

ಮಿರ್ಜಾ ಗಾಲಿಬ್!

ಊರು-ಕೇರಿ ಬದಲಾಯಿತು;
ವೇಷ-ಭೂಷಣದಲ್ಲೂ ವೈವಿಧ್ಯ;
ಬಂಧು-ಬಾಂಧವ್ಯದಲ್ಲಿ ಮಾರ್ಪಾಟು;
ಸ್ನೇಹ-ಸಂಬಂಧಗಳೂ ಹೊಸದಾದವು;
ಮನ ಈಗಲೂ ಅದೇ ಚಿಂತೆ-ಕಂತೆಗಳ ಸಂತೆ..
ಲೋಕದಲಿ ಬದಲಾವಣೆಗಳ ಬಯಸಿದೆ,
ನಾ ಬದಲಾಗಲೇ ಇಲ್ಲ..

ಗಾಲಿಬ್ ಹೇಳುತ್ತಾರೆ,
ಹುಟ್ಟಿದಾಗಿಂದಲೂ ಇದೇ ತಪ್ಪುಗಳ ಪುನರಾರ್ವತನೆ,
ಕನ್ನಡಿಯನ್ನು ತಿಕ್ಕುತ್ತಲೇ ಕುಳಿತೆ..
ಮುಖದ ಕಲೆ ಹಾಗೇ ಉಳಿಯಿತು!

-ಮಿರ್ಜಾ ಗಾಲಿಬ್

ಕಬೀರ...

ಕಾಳಿನೊಳಗಿನ ಎಣ್ಣೆ, ಕಲ್ಲಿನೊಳಗಿನ ಬೆಂಕಿ ಕಂಡವನು ನೀನು      
ನಿನ್ನೊಳಗಿರುವ ಅವನನೂ ಕಾಣಬಲ್ಲೆ ಏನು!

-ಕಬೀರ 

ಅವಳೇ ದೋಣಿಯ ಗಮ್ಯವೀಗ!

ಒಲವೇ,

ಅಲ್ಲಿ ಹಾಯಿದೋಣಿ ಕಾಯುತ್ತಿತ್ತು ಗಾಳಿಗಾಗಿ
ಇಲ್ಲಿ ಅವಳು ಪರಿತಪಿಸುತ್ತಿದ್ದಳು ಅವನಿಗಾಗಿ
ಇದ್ದಕ್ಕಿದ್ದಂತೆ ದೋಣಿಯ ದಿಕ್ಕು ಬದಲಾಯಿತು
ಹುಟ್ಟು ಹಾರಿತು...
ಅವಳೇ ದೋಣಿಯ ಗಮ್ಯವೀಗ!

ಮಲಗದೇ ಕಾಣುವೆ ನಿನ್ನ ಕನಸು!

ಒಲವೇ,

ದಣಿವಿಲ್ಲದೇ ಹಲವು ಕಾಲದಿ
ಒಲವಿನ ಹಾಡು ಹಾಡುತ್ತಿರುವೆ,
“ನನ್ನಳಿವಿನ ಆಶ್ರಿತ ನನ್ನೀ ಉಸಿರು.. “
ಈ ಹಾಡೇ ನನ್ನೀ ಬದುಕಿನ ಪಾಡು
ಕಾಯಕೂ ಆತ್ಮಕೂ ನಿತ್ಯ ಹಸಿರು
ಮಲಗದೇ ಕಾಣುವೆ ನಿನ್ನ ಕನಸು!

-ರೂಮಿ ಭಾವಾನುವಾದ

"I've beat this drum of Love
for so long, for you whom I adore,
singing: “My life depends upon my dying”
This keeps my body and soul alive.
I dream but I do not sleep."

ದೇಹ ಜಾವೋ ಅಥವಾ ರಾಹೋ.. (ಅನುವಾದ)

ಆತ್ಮೀಯ ಗೆಳೆಯ ಪಾಂಡುರಂಗ,


ನಿನ್ನದೇನೋ ಬೇರೇಯೇ ಇಚ್ಛೆಯಿರಬಹುದು, ನಿನ್ನ ಭೇಟಿಯಾಗುವೆಂದು ಬಲು ಆಸೆಯಿಂದ ಕಾಯುತ್ತಿದ್ದೆ; ಚಂದ್ರಭಾಗದಲಿ ಮಿಂದು ಸೊಂಟದ ಮೇಲೆ ಕರವಿರಿಸಿ ಇಟ್ಟಿಗೆಯ ತುಂಡಿನ ಮೇಲೆ ನಿಂತು ಪುರಂದರನಿಗಾಗಿ ಕಾದವನ ದರುಶನ ಮಾಡುವೆನೆಂದು! ನಾಮ, ತುಕರಾಮ, ಜ್ಞಾನದೇವ, ಪಂಡರಿಬಾಯಿ.. ಸಂತರ ರಚನೆಗಳನು ಸನ್ಮಿತ್ರರೊಡನೆ ಪಾಡುತ್ತಾ ನಿನ್ನಲ್ಲಿಗೆ ಬರುವಳಿದ್ದೆ! ಇರಲಿ ಬಿಡೋ, ಬೆಳಿಗ್ಗಿನಿಂದ ನಿನ್ನ ಮನೋಹರ ರೂಪ ಕಣ್ಣೆದುರು ಕಾಣುತ್ತಿದೆ. ಮುಂದೆಂದಾರೂ ನನ್ನನ್ನು ಕರೆಸಿಕೊಳ್ಳು, ನನ್ನೊಡೆಯ!

ನಾಮದೇವನ ರಚನೆಯೊಂದನ್ನು ಕನ್ನಡದಲ್ಲಿ ಅನುವಾದಿಸಿ ನಿನ್ನ ಚರಣಕರ್ಪಿಸಿದ್ದೇನೆ. ಮೆಚ್ಚಿಕೊಳ್ಲ ಇಲ್ಲಾ ಮೆಚ್ಚಿಕೊಳ್ಳದಿರು, ನಿನ್ನಿಚ್ಛೆ!


ಕಾಯವಿದು ಇರಲಿ ಇಲ್ಲಾ ಬಿದ್ದು ಹೋಗಲಿ
ಪಾಂಡುರಂಗನ ಮೇಲೆನ ದೃಢಭಾವಕೆ ಚ್ಯುತಿ ಬರದಿರಲಿ||

ಈ ಪಾದಕಮಲಗಳನೆಂದಿಗೂ ಬಿಡೆನು
ನಿನ್ನಾಣೆ ಪಂಡರಿನಾಥ||

ಜಿಹ್ವೆಯಲಿ ನಿನ್ನ ಮಂಗಲನಾಮ
ಹೃದಯದಲಿ ಅಖಂಡಿತ ಪ್ರೇಮ||

ನಾಮನು ಪೇಳುವನು ಕೇಶವರಾಜ,
ಶಪಥ ಮಾಡಿಹೆನು ನಡೆಯುವೆನೆಂದು||

ಸುಮನ ಕಲ್ಯಾಣಪುರ ಅವರ ಕಂಠದಲ್ಲಿ,

ಈ ತಿರುವಿನಲ್ಲೇ ಮುನ್ನಡೆಯೋಣ! (ಭಾವಾನುವಾದ)

ಒಲವೇ,

ಈ ತಿರುವಿನಲೇ ಮುನ್ನಡೆಯೋಣವೇ,

ದಣಿದ ನಿಧಾನದ ಹೆಜ್ಜೆಯ ಹಾದಿಗಳವು;

ಶೀಘ್ರ ಸವೆಯುವ ಹೆಜ್ಜೆಯ ಬೀದಿಗಳವು;

ಈ ತಿರುವಿನಲೇ ಮುನ್ನಡೆಯೋಣ||

ಕಲ್ಲಿನ ಭವನದ ಗಲ್ಲಿಗಳು,

ಗಾಜಿನ ಗೂಡುಗಳ ಬೀದಿಗಳು,

ಹುಲ್ಲುಕಡ್ಡಿಯ ಗುಡಿಗಳು,

ಈ ತಿರುವು ಹಾದಿ ತೋರುತ್ತದೆ

ಈ ತಿರುವಿನಲೇ ಮುನ್ನಡೆಯೋಣವೇ||

ಬೀಸಿ ಹಾರಿ ಬಿರುಗಾಳಿಯಂತೆ
ಹಾಗೇ ಹಾದು ಹೋಗುತ್ತವೆ;
ಲಜ್ಜೆ ತೋರುತ ಹೆಜ್ಜೆಗಳ

ಲಯಗಳಿಗೆ  ಜತೆ ಕೊಡುತ್ತವೆ;

ಮೃದು ಹಾದಿಗಳಲ್ಲಿ ಅದೊಂದು ಹಾದಿ

ಇರಬಹುದೇ, ಐಕ್ಯಗೊಳಿಸಬಹುದು

ಈ ತಿರುವಿನಲೇ ಮುನ್ನಡೆಯೋಣವೇ||

ಬಲು ದೂರದಿಂದ ಬಂದಿರುವುದೆ ಆ ಹಾದಿ

ಕವಲಾಗುತ್ತದೆ ಸಮೀಪಿಸುತ್ತಲೆ                                          

ಒಂಟಿ  ಆ ಹಾದಿ,

ಸ್ತಬ್ಧ ಈ ಬೀದಿ

ಮತ್ತು ಇದೇ ಆ ಹಾದಿ ಇರಬಹುದು

ನನ್ನ ಯೋಚನೆ, 

ನಿನ್ನಡೆಗೆ ತಲುಪಿಸುವುದೇ

ಈ ತಿರುವಿನಲೇ ಮುನ್ನಡೆಯೋಣವೇ
ಒಲವೇ, ನಮ್ಮ ಗಮ್ಯ ಸಾಕಾರವಾಗುವುದು||

iss mod se jaate hai

ಮತ್ತೆ ಗುಲ್ಜಾರ್!!!

ಮುಂಜಾವು ಮಿತ್ರರಿಗೆ ಅರ್ಪಣೆ!
-----------------------------

ಮನಕೆ ಹತ್ತಿರವಾದವರನು ದೂರಟ್ಟಲು ಸಾಧ್ಯವಾಗುವುದೇ..
ಸಜ್ಜನರು ಇಷ್ಟು ಮಾತ್ರ ಅರಿತಿರುವರು
ಸಂಬಂಧಗಳೆಲ್ಲ ಮುತ್ತುಗಳು, ಮಿತ್ರಬಾಂಧವರೆಲ್ಲಾ ರತ್ನಗಳು!
-ಪ್ರೇರಣೆ ಗುಲ್ಜಾರ್

ಮತ್ತೆ ಅದೇ ಬದುಕು ಮರಳುವುದಿಲ್ಲ... (ಗುಲ್ಜಾರ್)

ಬಂಧಗಳನು ನಿಭಾಯಿಸುವುದರಲ್ಲಿ ನೈಜತೆ ಇರಲಿ..

ಕಳೆದು ಹೋದ ಕಾಲ, ಬದುಕು ಮತ್ತೆ ಮರಳುವುದಿಲ್ಲ!

-ಪ್ರೇರಣೆ ಗುಲ್ಜಾರ್ 


Kissi bhi rishte ko sachche dil se nibhavo

Kyunki ye zindagi phir wapas kahan milti hai

-Gulzar

ಕುಣಿತ..

ನೆಲವ ಮೆಟ್ಟಿ ಕಾಲನೆತ್ತಿ ಗಾಳಿಯಲಿ ಹಗುರವಾಗಿ ಗೆಜ್ಜೆ ಸದ್ದು ಮಾಡುತ ಹಾರಾಡುವುದು ಮಾತ್ರ ಕುಣಿತವಲ್ಲ..

ಸೋಲಿನ ನೆತ್ತರು, ಗೆಲುವಿನ ನಗು ಎರಡರಿಂದಲೂ ದೂರ ದೂರ..

ಹೆಜ್ಜೆ ಸದ್ದು ಮಾಡದೆ ಒಲವಿನೆತ್ತರ ಹಾರುವುದನೂ ಕುಣಿತವೆನ್ನಬಹುದೇ!

 -ಪ್ರೇರಣೆ ರೂಮಿ

To dance is not to jump to your feet
and raise painlessly in the air like dust.
To rise above both worlds is to dance in
the blood of your pain and give up your life.

ಬದುಕಿನ ದೀರ್ಘ ಹಾದಿಯಲಿ ಸದಾ ನಿನ ಜತೆಯಿರಲಿ ನನ್ನೊಲವೇ!

ಕೊನೆಯಿಲ್ಲದ ಹಾದಿಯಲಿ

ನನದು ಸಣ್ಣ ಸಣ್ಣ ಹೆಜ್ಜೆ..

ಅನುಕ್ಷಣವೂ ನಿನ ಜತೆಯಿರಲು

ದೀರ್ಘವೆಂದು ಇನಿತೂ ಬೇಸರವಿಲ್ಲವಲ್ಲ.

ನಿಷ್ಕಳಂಕ ಆತ್ಮವೇ ದಾರಿದೀಪವಾಗಿರಲಿ..

ಈ ಕಾಯವೋ ಅಂಜುಬುರುಕ ಮತ್ತು ಬಲಹೀನ!

-ಪ್ರೇರಣೆ ರೂಮಿ

Although the road is never ending
take a step and keep walking,
do not look fearfully into the distance...
On this path let the heart be your guide
for the body is hesitant and full of fear.

ಅಪೂರ್ಣ ಕುಂದುಕೊರತೆಗಳ ಪ್ರಕೃತಿಯವಳು ನಾನು.. ಪರಿಪೂರ್ಣ ಒಲವು!

ಮಣ್ಣಿನ ಹಂಟೆಗಳಲೊಂದು ಹೊಳೆಯುವ ಹೊನ್ನಾಯಿತು
ಮನುಜರ ಜನಾಂಗಕೆ ಕಾರಣವಾಯಿತು ಇನ್ನೊಂದು..
ಒಲವೇ,
ನಿನ್ನ ಉದಾತ್ತ ದೇಣಿಗೆ
ಜಗದ ಮೂಲ ತತ್ವಕೆ ನಾಂದಿಯಾಯಿತು..
ಮರೆವು ಮತ್ತು ತಪ್ಪುಗಳೋ ನನ್ನ ದೇಣಿಗೆ
ಬದಲಾಗಲಿ ಅವು ಆಗಿ ತಿಳಿವಳಿಕೆ..
ಅಪೂರ್ಣ, ಕುಂದುಕೊರತೆಗಳ ಪ್ರಕೃತಿಯ ನಾನು
ತಾಳಿಕೆ ಮತ್ತು ಸಹಿಷ್ಣುತೆ ಪಡೆಯಲಿ!

#ರೂಮಿ (ಭಾವಾನುವಾದ)