ನಕ್ಷತ್ರಗಳ ಪಡೆಯ ನಡುವೆ ಹೊಳೆಯುವ ಅರ್ಧಚಂದಮನೇ,
ಒಯ್ಯೋ ನನ್ನೀ ಕಾವ್ಯವ ಅತ್ತ ಅವಳೆಡೆ..
ಕಾದಿರುವಳು ಆಕೆ ದಿನವಿಡೀ...
ಅದೇಕೋ ಇಂದೇ ಮಲಗಿದೆ ಅಡ್ಡ ಜಂಗಮವಾಣಿ...
ಒಂದಿಷ್ಟು ಪುಣ್ಯ ಕಟ್ಟಿಕೋ...
ನನ್ನೆದೆಯ ಭಾವವೇ ಹರಿದಿದೆ...
ಒಲುಮೆಯ ಕಾವ್ಯದ ಓಲೆಯಾಗಿ...
ಕಣ್ಣಾಡಿಸಬೇಡ... ನಗಬೇಡ...
ನಾ ಕಾಳಿದಾಸನೂ ಅಲ್ಲ,
ನಾ ಕೆ.ಎಸ್ ನರಸಿಂಹ ಸ್ವಾಮಿಯೂ ಅಲ್ಲ...
ನಾ ಕೇವಲ ಹುಚ್ಚ...
ನನ್ನೊಲುಮೆಯ ದಾಸ...
ಅದರರಿವಿದೆ ಅವಳಿಗೆ..
ನನಗಷ್ಟು ಸಾಕು...
ಇನ್ನೇನು ಬೇಕು
ವಿರಹಿ ಪ್ರೇಮಿಗೆ!
ಈ ಮುಸ್ಸಂಜೆಯಲಿ ಮೂಡಿದ ವ್ಯಾಲಂಟೈನ್ ಗೀತೆ!
No comments:
Post a Comment