ನನ್ನೊಲವೆ,
ಅದೇನೋ ಹಾಡು ಗೊಣಗುತ್ತಾ, ಕುಣಿಯುತ್ತಾ ಹೋಗುತ್ತಿದ್ದಿಯಾ...
ಅರೆ, ಅದೇಕೆ ಈ ಮೊದಲು ನಾ ನಿನ್ನ ನೋಡಿಲ್ಲ!
ನೋಡ ನೋಡುತ್ತಲೇ... ಕುಣಿಯತೊಡಗಿದೆ ನಿನ್ನ ಸುತ್ತಲೂ ನಾನೂ...
ಆಹಾ! ಲೋಕವೆಲ್ಲಾ ನಮ್ಮ ಸಂಭ್ರಮದಲ್ಲಿ ಪಾಲ್ಗೊಳ್ಳುತ್ತಿದೆಯಲ್ಲಾ...
ಎಂದೂ ಮುಗಿಯದಿರಲಿ ಈ ಅಲೌಕಿಕ ಆನಂದ!
*****************************
ಒಲವೇ,
ಸಂಪೂರ್ಣವಾಗಿ ನಾನು ನಿನ್ನವಳೋ..
ಹಿಂದಿರುಗಿಸಬೇಡವೋ ಮತ್ತೆ ನನ್ನನ್ನು ನನಗೇ!
*****************************
ಕೇಳುತ್ತಿದೆಯಾ...
ದಶ ದಿಕ್ಕುಗಳಿಂದಲೂ
ಪ್ರೀತಿಯು ನಿನ್ನನ್ನು ಕರೆಯುತ್ತಲೇ ಇದೆ...
ಯಾವಾಗಲೂ...
ಇನ್ನಾದರೂ ಬರುವಿಯಲ್ಲಾ ನೀನು...
ಹೆಚ್ಚು ಕಾಯಿಸಬೇಡವೋ!
****************************
ಒಲವೇ,
ನಿನ್ನ ಹಾದಿಯಲಿ ಪಯಣಿಗಳಾಗಲು...
ಇರುವ ನಿನ್ನ ಕರಾರುಗಳಿಗೆಗೆಲ್ಲ
ನನ್ನ ತಕರಾರುಗಳಿಲ್ಲ.
ಸದಾ ತಗ್ಗಿ ಬಗ್ಗಿಯೇ ನಡೆವೆನೆಂದರೆ
ನಂಬುವೆ ತಾನೆ!
**************************************
ಒಲವೇ,
ನೀನೆಷ್ಟು ನಿಕಟವಾಗಿರುವಿ ನನಗೆ?
ಖಂಡಿತವಾಗಿ ನನಗೊತ್ತು ನಿನಗಿದು ತಿಳಿದಿರಲಿಕ್ಕಿಲ್ಲವೆಂದು
ಹೇಳಲೇ, ಕೇಳುವೆಯಾ...
ನನ್ನ ಕನಸುಗಳನ್ನೆಲ್ಲ ಕಳೆದುಕೊಳ್ಳುವಷ್ಟು...
ನನ್ನಾತ್ಮವನ್ನೂ ಮರೆಯುವಷ್ಟು...
ಎಲ್ಲರಲ್ಲೂ ನಿನ್ನನ್ನೇ ಕಾಣುವಷ್ಟು...
ಆ ಸತ್ಯವ ತೋರಿಸಿದ್ದು
ಕನ್ನಡಿಯೊಳಗೆ ಕಂಡ
ಕಣ್ಣಲಿ ನಿನ್ನ ಬಿಂಬ!
************************************
ನಿಸರ್ಗ ನನ್ನೊಳು ಹುಟ್ಟಿಸಿತು
ಅನುರಾಗ ಭಾವವನ್ನು...
ಅನುರಾಗ ಭಾವವನ್ನು...
ಆ ಭಾವವೇ ಕವಿತೆಗಳ
ಹುಟ್ಟಿಗೆ ಪ್ರೇರಣೆಯಂತೆ!
*********************************
ಒಲವಿನ ಹೃದಯದ
ಆಳದ ಪರೀಕ್ಷೆ
ಮಾಡಲು ಹೊರಟು
ಇವಳು ತನ್ನನ್ನೇ
ತಾನು ಕಳಕೊಂಡಳಂತೆ!
*****************************
ಒಲವೇ...
ಹೇಳಲೇನೋ ಕಾತರಿಸಿದೆ...
ಕ್ಷಣದಲ್ಲೇ ತನ್ನ ತೆಕ್ಕೆಗೆ ಸೆಳೆಯಿತು...
ಮಾತ ಮರೆತು ಮೌನಿಯಾದೆ....
ಅದರ ಆಲಿಂಗದಲ್ಲಿ!
ಹುಟ್ಟಿಗೆ ಪ್ರೇರಣೆಯಂತೆ!
*********************************
ಒಲವಿನ ಹೃದಯದ
ಆಳದ ಪರೀಕ್ಷೆ
ಮಾಡಲು ಹೊರಟು
ಇವಳು ತನ್ನನ್ನೇ
ತಾನು ಕಳಕೊಂಡಳಂತೆ!
*****************************
ಒಲವೇ...
ಹೇಳಲೇನೋ ಕಾತರಿಸಿದೆ...
ಕ್ಷಣದಲ್ಲೇ ತನ್ನ ತೆಕ್ಕೆಗೆ ಸೆಳೆಯಿತು...
ಮಾತ ಮರೆತು ಮೌನಿಯಾದೆ....
ಅದರ ಆಲಿಂಗದಲ್ಲಿ!
**************************
ಒಲವೇ,
ನಿನ್ನ ನೋಟ ಚೆಲ್ಲಿದ ಕಿರಣ
ನನ್ನೆದೆಯ ಹಣತೆಯ ಬೆಳಗಿಸಿದೆ!
**********************************
ಒಲವೇ,
ನಿನ್ನ ನೋಟ ಚೆಲ್ಲಿದ ಕಿರಣ
ನನ್ನೆದೆಯ ಹಣತೆಯ ಬೆಳಗಿಸಿದೆ!
**********************************
No comments:
Post a Comment