ನಮಗೆ ನಮ್ಮ ಆಲೋಚನೆಗಳನ್ನು ಮತ್ತು ಜೀವನಕ್ರಮವನ್ನು ಉತ್ತಮಗೊಳಿಸಲು ಸಮಯವಿಲ್ಲವೆಂದರೆ ತುಂಬಾ ದೂರದ ಪ್ರಯಾಣದ ಮಧ್ಯೆ ಇಂದನವನ್ನು ತುಂಬಿಸಲು ಸಮಯವಿಲ್ಲವೆಂದೇ ತಾನೆ! ಪ್ರಯಾಣ ಎಲ್ಲಿ ನಿಲ್ಲುತ್ತದೆಂಬುದು ಯಾರಿಗೆ ಗೊತ್ತು?

24 March, 2013

ಅಂದು ಕರೆದಂತೆ ಮತ್ತೊಮ್ಮೆ ಕರೆಯುವೆಯಾ ಇಂದು!


ಅಂದು ಕರೆದಂತೆ ಮತ್ತೊಮ್ಮೆ ಕರೆಯುವೆಯಾ ಇಂದು!

ನನ್ನೊಲವಿನ ಕೋಗಿಲೆಯೇ,

ಮರೆಯಲಾರೆ ಎಂದಿಗೂ ನಾ
ಆ ಹಳೆಯ ಹಾಡನು
ಮತ್ತೊಮ್ಮೆ ಹಾಡುವೆಯಾ ನನಗಾಗಿ ಇಂದು||

ವರುಷದ ಹಿಂದೆ ನೀ
ಉಲಿದ ಆ ಗಾನ
ಮತ್ತೊಮ್ಮೆ ನುಡಿಸುವೆಯಾ ನನಗಾಗಿ ಇಂದು||

ಹಾಡು ಕೇಳಿಸಿಹ ಮುಂಜಾನೆಗಳು
ಹೊಸ ಕನಸುಗಳ ಮೂಡಿಸಿವೆ

ಮತ್ತೊಮ್ಮೆ ಕೇಳಿಸುವೆಯಾ ನನಗಾಗಿ ಇಂದು||

ಬಣ್ಣ ಮಾಸಿದ ಬದುಕಿಗೆ
ಅಂದು ಹಚ್ಚಿದ ರಂಗನು
ಮತ್ತೊಮ್ಮೆ ಹಚ್ಚುವೆಯಾ ನನಗಾಗಿ ಇಂದು||

ಹೊಳೆಯುತಿಹ ಆ ಕೆಂಗಣ್ಣಿನ
ಸೆಳೆತಕೆ ಸೋತೆ ನಾನಂದು
ಮತ್ತೊಮ್ಮೆ ನೋಡುವೆಯಾ ನನಗಾಗಿ ಇಂದು||

ಮಾಧುರ್ಯವಿಲ್ಲದ  ಗಾನವನಂದು ಆಲೈಸಿದೆ
ಕೇವಲ ನಿನಗಾಗಿ ಹಾಡುವೆ
ಮತ್ತೊಮ್ಮೆ ಆಲೈಸುವೆಯಾ ನನಗಾಗಿ ಇಂದು||

ಇನ್ನು ಬದುಕೆಲ್ಲ ಕಾಯುವಿಕೆ

ಕೇವಲ ನಿನ್ನ ಕರೆಗಾಗಿ
ಮತ್ತೊಮ್ಮೆ ಕರೆಯುವೆಯಾ ನನಗಾಗಿ ಇಂದು||




No comments:

ಈ ಬರಹಗಳೂ ನಿಮಗಿಷ್ಟವಾಗಬಹುದು!

Related Posts Plugin for WordPress, Blogger...