painting

painting

ಪುಷ್ಪವಲ್ಲಿ

ಮಂಕುತಿಮ್ಮನ ಗೆರೆಗಳು-2

ತನ್ನ ಶಕ್ತಿಯನಳೆದು, ತನ್ನ ಗುಣಗಳ ಬಗೆದು।

ಸನ್ನಿವೇಶದ ಸೂಕ್ಷ್ಮವರಿತು ಧೃತಿದಳೆದು।।

ತನ್ನ ಕರ್ತವ್ಯ ಪರಧಿಯ ಮೀರದುಜ್ಜುಗಿಸೆ।

ಪುಣ್ಯಶಾಲಿಯ ಪಾಡು॥-ಮಂಕುತಿಮ್ಮ

ಮಂಕುತಿಮ್ಮನಿಗೊಂದಿಷ್ಟು ಗೆರೆಗಳು...

ತತ್ವಸಾಕ್ಷಾತ್ಕಾರ ಚಿತ್ತಶುದ್ದಿಯಿನಹುದು।

ಚಿತ್ತಶೋಧನೆ ಮತಿಚಮತ್ಕಾರವಲ್ಲ।|

ಬಿತ್ತರದ ಲೋಕಪರಿಪಾಕದಿಂ ಸತ್ಕರ್ಮ|

ಸಕ್ತಿಯಿಂ ಶುದ್ಧತೆಯೂ-ಮಂಕುತಿಮ್ಮ।।

ಇದೇ ಆಗಸದಡಿ

ಒಲವೇ,

ನನ್ನ ಮುಗುಳ್ನಗೆ ಕಾಣುವುದೇ ನಿನಗೆ

ನಾವಿಬ್ಬರೂ ಈಗಲೂ ಇದೇ ಆಗಸದಡಿಯಲ್ಲೇ ಇದ್ದೇವಲ್ಲವೇ

ಮತ್ತೆ ಮರಳಿದೆ ಒಲವು

ಒಲವೇ,

ಒಂದಲ್ಲಒಂದುದಿನ

ಮರಳಲೇಬೇಕಲ್ಲವೇ

ಅಲ್ಲೇ ನನ್ನನಿನ್ನ

ಭೇಟಿ, ಆಗದೇ

ಪಥ..

ಒಲವೇ,

ನಿನ್ನದೀ ಪಥವು, ಕೇವಲ ನಿನ್ನದು

ಅವರಿವರು ಜತೆ ಕೊಡಬಹುದೇನೋ ಒಂದಿಷ್ಟು ದೂರ

ಕೈ ಹಿಡಿದು ಮತ್ತೊಂದಿಷ್ಟು ದೂರ..

ಕೊನೆಗೂ ನಿನ್ನ ಪಥ ನೀನೇ ಕ್ರಮಿಸಬೇಕು ನೋಡು!

-ರೂಮಿ (ಭಾವಾನುವಾದ)

ಜಿಂದಗಿ ಪ್ಯಾರಕಾ ಗೀತ ಹೈ!

ಜಿಂದಗಿ ಪ್ಯಾರಕಾ ಗೀತ ಹೈ!

ಈ ಬದುಕೊಂದು ಒಲವಿನ ಗೀತೆ

ತಾಳ ಮೇಳದಲಿ ಹಾಡಲುಬೇಕು|

ಈ ಬದುಕೊಂದು ಒಲವಿನ ಗೀತೆ

ತಾಳ ಮೇಳದಲಿ ಹಾಡಲುಬೇಕು|

ಈ ಬದುಕು ನೋವಿನ ಆಗರವು

ನಗುನಗುತಲೇ ಪಾಗರ ದಾಟಬೇಕು||

ಈ ಬದುಕೊಂದು ಅನುಭೂತಿ

ಭಗ್ನ ಮನಕೊಂದು ಆಶಾದೀಪ್ತಿ|

ಈ ಬದುಕೊಂದು ಅನುಭೂತಿ

ಭಗ್ನ ಮನಕೊಂದು ಆಶಾದೀಪ್ತಿ|

ಈ ಬದುಕೊಂದು ಪರವೂರು

ಕಾಲನಾಣತಿಯಂತೆ ಮರಳಲೇಬೇಕು||

ಈ ಬದುಕೊಂದು ಒಲವಿನ ಗೀತೆ

ತಾಳ ಮೇಳದಲಿ ಹಾಡಬೇಕು||

ಈ ಬದುಕಿಗೊಂದಿಷ್ಟೂ ನಿಷ್ಠೆಯಿಲ್ಲ ಆದರೂ ಏನಂತೆ

ನಮ್ಮವರೆಲ್ಲ ಆಗ್ರಹವನೆದುರಿಸುವೆನು ಛಲದಿಂದಲೇ|

ಈ ಬದುಕಿಗೊಂದಿಷ್ಟೂ ನಿಷ್ಠೆಯಿಲ್ಲ ಆದರೂ ಏನಂತೆ

ನಮ್ಮವರೆಲ್ಲ ಆಗ್ರಹವನೆದುರಿಸುವೆನು ಛಲದಿಂದಲೇ|

ನಮ್ಮಿಬ್ಬರ ಕೈಗಳು ಬೆಸೆಯದಿದ್ದರೇನಂತೆ

ಮನದ ಬೆಸುಗೆಗೆ ತಡೆಯಿಲ್ಲವಂತೆ||

ಈ ಬದುಕೊಂದು ಒಲವಿನ ಗೀತೆ

ತಾಳ ಮೇಳದಲಿ ಹಾಡಲುಬೇಕು||

ಈ ಬದುಕೊಂದು ಮಂದಸ್ಮಿತೆಯಂತೆ

ನೋವಿನ ಅಸ್ಮಿತೆಯೂ ಹೌದಂತೆ|

ಈ ಬದುಕೊಂದು ಮಂದಸ್ಮಿತೆಯಂತೆ

ನೋವಿನ ಅಸ್ಮಿತೆಯೂ ಹೌದಂತೆ|

ಈ ಬದುಕೊಂದು ಅತಿಥಿಯಂತೆ

ಒಡೆಯನಿಗೆ ಮರಳಿ ಒಪ್ಪಿಸಲೇಬೇಕಂತೆ||

ಈ ಬದುಕೊಂದು ಒಲವಿನ ಗೀತೆ

ತಾಳ ಮೇಳದಲಿ ಹಾಡಲುಬೇಕು||

ಈ ಬದುಕು ನೋವಿನ ಆಗರವು

ನಗುನಗುತಲೇ ಪಾಗರ ದಾಟಬೇಕು||

ನೀ ಎದುರಾಗುವ, ಹಾಗೆಯೇ ಮರೆಯಾಗುವ ಘಳಿಗೆ!

ಒಲವೇ,

ಹೀಗೊಂದು ಥಟ್ಟನೆ ನೀನೆದುರಾಗುವ

ಹಾಗೆಯೇ ಮರೆಯಾಗುವ ಘಳಿಗೆ

ಕೈ ಮುಷ್ಟಿಯೊಳಗಿನ  ಮರಳಿನಂತೆ

ಕಣ್ತೆರೆದಂತೆ ಮಾಯವಾಗುವ ಕನಸಿನಂತೆ

ಸೆರೆ ಹಿಡಿಯಲು ಅಸಾಧ್ಯವನೋ…

ಬೆನ್ನಾಯಿಸಿ ನಿಟ್ಟುಸಿರು ಹೊರದೂಡುತ್ತ

ರೆಪ್ಪೆ ಮುಚ್ಚಿದರೆ ಮುಗುಳ್ನಗುವ

ನಿನ್ನ ವದನ ನನ್ನೆದುರಲ್ಲಿ…