ಸುಭಾಷಿತ!

ನೋಟಕೆ ಉದ್ದನೆಯ ಅನಾಕರ್ಷಕವದು

ತೆಂಗಿನ ಮರ

ಧೃಡ-ನೇರ ಮಾತಿನವರು

ಸಜ್ಜನರು

ನೋಟಕೆ ದುಂಡಗೆ ಕಣ್ಸೆಳೆವ  ರೂಪ

ಬೆರ್ರಿ ಹಣ್ಣು

ಮುಖವಾಡದೊಳಗೆ ಅಡಗಿರುವವರು

ನಯವಂಚಕರು|

ನಾರಿಕೇಲ ಸಮಾಕಾರಾ ದೃಶ್ಯಂತೆ ಖಲು ಸಜ್ಜನಾಃ |

ಅನ್ಯೆ ಬದರಿಕಾಕಾರಾ ಬಹಿರೇವ ಮನೋಹರಾಃ ||

ಮಗಳ ಪೊಸ್ಟರೂ.. ಕ್ಯಾಲಿಗ್ರಾಫಿ ರೈಟಿಂಗೂ..

ಕಾರ್ಟೂನ್.. ಮಗಳು ಬಿಡಿಸಿದ್ದು!

ಮೂರನೆಯ ಸ್ಥಾನ ಪಡೆದಿದ್ದಾಳೆ ನನ್ನ ಮಗಳು!

ಲೋಕಕೆ ಅಚ್ಚರಿ..

ಒಲವೇ,

ಮನದ ಗೋಡೆಗಳಲಿ

ಚಿತ್ತಾರದ ವೈಖರಿ

ನನ್ನ ಭಾವರಂಗಿನಲದ್ದಿ

ನೀ ಕುಂಚಗಳನೆಳೆದ ಪರಿ

ಲೋಕಕೆ ಅಚ್ಚರಿ

ಹಾಯ್ಕ

ಶಶಿ ಮೂಡಿದ

ಬಾನಲಿ, ಚುಕ್ಕಿಗಳೂ

ತುಲಸಿದೀಪ!

ಕಳೆದ ಓಲೆ ಮತ್ತೆ..

ಒಲವೇ,

ಅಂದೆಂದೋ ನೀ ಬರೆದಿಟ್ಟ
ಹೃದಯದ ಕವಾಟಿನ ಮೂಲೆಯಲಿದ್ದ
ಓಲೆಯು ಸಿಕ್ಕಿದ ಕ್ಷಣದಲ್ಲೇ
ಮರಳಿತು ನನ್ನಾತ್ಮವೂ ಗೂಡಿಗೆ!

ಹಾಯ್ಕ

 ನವಿಲುಗರಿ

ಕಚಕುಳಿ ಕೊಟ್ಟಿತು

ರಾಧಾಮಾಧವ!

ಒಲವೇ,

ಶಬ್ದಗಳು ಧರಣಿ ಕೂತಿವೆ..
ಮನದಲಿ ಭಾವಶರಧಿಯ ಶಂಖನಾದ...

ಕೊಳಲು ಮಾಯವಾಗಿದೆ, ಆದರೆ...

ಕೊಳಲು ಮಾಯವಾಗಿದೆ, ಆದರೆ...
---------------------
ಕಾಲಚಕ್ರ ತಿರುಗಿದೆ
ವಸಂತಋತು ಅಂಗಣದಲ್ಲಿ;
ಕೋಗಿಲೆಯ ಕುಹೂ
ಮಾವಿನ ಚಿಗುರಿನೆಡೆಯಿಂದ;
ವಲಸೆ ಹಕ್ಕಿಗಳು
ಡೇರೆ ಹಾಕಿವೆ;
ಕೆಂಪು ಚಿಗುರು
ತರುಗಳ ತುದಿಯಲಿ;
ಮೊಗ್ಗುಗಳು ಆಕಳಿಸುತಿವೆ
ಅರಳಲು ಕಾದಿವೆ,
ಧ್ಯಾನ ಮುಗಿಸಿ
ಬರುವ ಪಾತರಗಿತ್ತಿಗಳಿಗಾಗಿ;
ಜೀಕುತ್ತಾ ಉಯ್ಯಾಲೆಯಲಿ
ಧೇನಿಸುತ್ತಾ ಅವನ
ಕೈಚಾಚಿದಳು ಅವಳು,
ಮಾಯವಾಗಿತ್ತು ಕೊಳಲು;
ನಾಸಿಕ ಅರಳಿತ್ತು
ಅವನ ಮೈಗಂಧ!

ಹಾಯ್ಕ

ನನ್ನೊಡಲಲಿ

ಮಲಗಿದೆ ಕೊಳಲು

ನನ್ನೊಲವು!