ಅದ್ಯಾಕೆ ಕಣ್ಗಳು ದಟ್ಟ ರೆಪ್ಪೆಗಳ ಹಿಂದೆ ಅವಿತಿವೆ!

ಒಲವೇ,

ನಿನ್ನ ತುಂಟ, ಚಂಚಲ ಕಪ್ಪು ಕಣ್ಗಳ ಕೇಳು..
ವಸಂತ ಹೊತ್ತು ತಂದ ರಂಗನು ಕೇಳು.. 
ಮುಂಗುರುಳ ಸರಿಸಿ ಕಚಗುಳಿಯಿಡುವ ಮರುತನನು ಕೇಳು..

ಮುಸ್ಸಂಜೆ ಪಸರಿಸಿದ ಬಣ್ಣಗಳನು ಕೇಳು.. 
ನಲ್ಲಿರುಳು ಹೊದಿಸಿದ ಹೊದಿಕೆಯ ಅಚ್ಚಬಿಳಿ ಕಸೂತಿಯನು ಕೇಳು..
ಮುಂಜಾವಿನ ಹೊನ್ನಂಚಿನ ಮುಗಿಲಮಂಚವನು ಕೇಳು..

ಕಾಡಿಗೆ ಹಚ್ಚಿದ ದಟ್ಟ ರೆಪ್ಪೆಗಳು ಅದ್ಯಾಕೆ 
ನನ್ನ ಮಿನುಗುವ ಕಣ್ಗಳ ಮರೆಮಾಚಿವೆ
ನಾನೇನು ಬಲ್ಲೆ, ಬಲು ಮುಗ್ಧೆ!