ಬಿಸಿಲ್ಗುದುರೆ!

ಆ ಬಿಸಿಲ್ಗುದುರೆ ಕಣ್ಣೆದುರು ಸುಳಿದಾಗ

ಮೋಹದ ಸುಳಿಯಲ್ಲಿ ನಾ ಸಿಲುಕಿದೆನೇನೋ..

ವಿವೇಚನೆ ಅತ್ತ ಬದಿಗೆ ಸರಿಯಿತೇನೋ

ಅದನಪ್ಪಿ ಮಾಯಾಲೋಕದಲ್ಲೆ ಸುತ್ತಿದೆನೋ.

ಮತ್ತು ತಲೆಗೇರಿತ್ತೇನೋ..

ತಪ್ಪುಗಳಿಗೆಲ್ಲಾ ತೇಪ ಹಚ್ಚಿತು

ಮೋಹಕೆ ಬಲಿಯಾದ

ಮನಸು ಹಾದಿ ತಪ್ಪಿಸಿತು.

ದೊಪ್ಪನೆ ನೆಲಕೆ ಬಿಸುಟು ಮಾಯವಾಯಿತೇ 

ಒಮ್ಮೆಗೆ ಧೂಳು ಆವರಿಸಿ ಅಮಲೆಲ್ಲಾ ಇಳಿದು

ಭ್ರಮೆಯ ಪರದೆ ಸರಿಯಿತು

ವಾಸ್ತವವ ಒಪ್ಪಲು ಮನ ನಿರಾಕರಿಸಿತು

ವಿಧಿಯ ಅಟ್ಟಹಾಸ ಕಿವಿಗಪ್ಪಳಿಸಿತು.