ದೃಷ್ಟಿಯಿಂದ ಸೃಷ್ಟಿಯ ಸೆರೆ!!!

ಎಷ್ಟೊಂದು ವಿಸ್ಮಯ,

ಎಷ್ಟೊಂದು ಜಾದುಮಯ,

ಎಷ್ಟೊಂದು ಸೌಂದರ್ಯ, 

ನೋಡಿದಷ್ಟು, ತಿಳಿದಷ್ಟು, ಅನುಭವಿಸಿದಷ್ಟು ನಿಗೂಢವಾಗಿದೆ!

ಸೆರೆ ಹಿಡಿದಷ್ಟು ಉಳಿಯುತ್ತದೆ;

ಮತ್ತಿಷ್ಟು ಕಾಡುತ್ತದೆ,

ಎಲ್ಲವನ್ನೂ ತನ್ನೊಡಲಲ್ಲಿ ಬಚ್ಚಿಡುತ್ತದೆ;

ಒಂದಿಷ್ಟು ಬಿಚ್ಚಿಡುತ್ತದೆ;

ಸವಿದಷ್ಟು ಕ್ಷುಧೆ ಹೆಚ್ಚುತ್ತದೆ,

ಜೊತೆಗೆ ಗ್ಲಾನಿಯ ಹೃದಯಕ್ಕೀಯುತ್ತದೆ

ಒಂದಿಷ್ಟು ತಂಪು;

ಅದಕೆ ನೋಡಯ್ಯ ಬಂಧಿಸಿದೆ  ನಾ ಸೃಷ್ಟಿಯ 

ನನ್ನಯ ದೃಷ್ಟಿಯಲಿ!