ನಮಗೆ ನಮ್ಮ ಆಲೋಚನೆಗಳನ್ನು ಮತ್ತು ಜೀವನಕ್ರಮವನ್ನು ಉತ್ತಮಗೊಳಿಸಲು ಸಮಯವಿಲ್ಲವೆಂದರೆ ತುಂಬಾ ದೂರದ ಪ್ರಯಾಣದ ಮಧ್ಯೆ ಇಂದನವನ್ನು ತುಂಬಿಸಲು ಸಮಯವಿಲ್ಲವೆಂದೇ ತಾನೆ! ಪ್ರಯಾಣ ಎಲ್ಲಿ ನಿಲ್ಲುತ್ತದೆಂಬುದು ಯಾರಿಗೆ ಗೊತ್ತು?

23 January, 2014

ಪುಟ್ಟಿ ಮತ್ತು ಚಂದಮಾಮನ ಹಲ್ಲು!

ಪುಟ್ಟಿ ಮತ್ತು ಚಂದಮಾಮನ ಹಲ್ಲು!
--------------------------------

ಚುಕ್ಕಿಗಳ ಜತೆ ಗೆರೆಗಳನೆಳೆದು
ಕುಂಟೆ ಬಿಲ್ಲೆಯನಾಡುತಿದ್ದ  ಚಂದಮಾಮ
ನುಣುಪಾದ ಚಿಕ್ಕ ಚುಕ್ಕಿಯೊಂದನೆಡವಿದನು
ಬಿದ್ದು ಹಲ್ಲು ಮುರಿದುಕೊಂಡನು;

ಚುಕ್ಕಿ ಚಂದಮಾಮಂದಿರ ದೊಂಡೆಗೆ
ನಿದ್ದೆಯಿಂದದೆಚ್ಚರವಾದ ಪಕ್ಕಿಗಳೆಲ್ಲ ನಕ್ಕ
ಕಿಲ ಕಿಲ ಸದ್ದು ಮುಗಿಲ ತುಂಬಾ
ಮಾರ್ದನಿಸಿ ನನ್ನ ಪುಟ್ಟಿಯನೆಬ್ಬಿಸಿತು;

ಅಂಗಣಕೆ ಬಂದು ಮುಗಿಲತ್ತ
ಚಾಚಿದ ಪುಟ್ಟಿಯ ಪುಟ್ಟ ಗುಲಾಬಿ ಕೈ
ಮುಷ್ಟಿಯಲಿ ಚಂದಮಾಮನ ಹಲ್ಲಿನ
ತುಂಡು ಭದ್ರವಾಗಿ ಅಡಗಿತು;

ನಾಳೆ ಪುಟ್ಟಿ ತನ್ನ ಪುಟ್ಟ
ಗೆಳೆಯ ಗೆಳತಿಯರಿಗೆ ಹೇಳುವ
ನಲ್ಲಿರುಳಿನ ಕತೆಗೆ ಸಾಕ್ಷಿಯಾಯಿತು!


(ಹದಿನೆಂಟು ವರ್ಷಗಳ ಹಿಂದಿನ ದಿನದ ನಲ್ಲಿರುಳ ನೆನಪಿನಲಿ ಮೂಡಿದ ಬರಹ.. )

No comments:

ಈ ಬರಹಗಳೂ ನಿಮಗಿಷ್ಟವಾಗಬಹುದು!

Related Posts Plugin for WordPress, Blogger...