ನಮಗೆ ನಮ್ಮ ಆಲೋಚನೆಗಳನ್ನು ಮತ್ತು ಜೀವನಕ್ರಮವನ್ನು ಉತ್ತಮಗೊಳಿಸಲು ಸಮಯವಿಲ್ಲವೆಂದರೆ ತುಂಬಾ ದೂರದ ಪ್ರಯಾಣದ ಮಧ್ಯೆ ಇಂದನವನ್ನು ತುಂಬಿಸಲು ಸಮಯವಿಲ್ಲವೆಂದೇ ತಾನೆ! ಪ್ರಯಾಣ ಎಲ್ಲಿ ನಿಲ್ಲುತ್ತದೆಂಬುದು ಯಾರಿಗೆ ಗೊತ್ತು?

14 September, 2013

ಒಲವಿನರಮನೆಯ ಹಾದಿ.. ಹುಡುಕುತ್ತಾ!



ಗಕ್ಕನೆ ನಿಂತೆ ನಾ

ಕವಲೊಡೆದ ಹಾದಿಯಲಿ

ಒಲವಿನ ಅರಮನೆಗೆ

ಕೊಂಡೊಯ್ಯುದಾವುದಿದರಲಿ..

ಗಹ ಗಹನೆ ನಕ್ಕರ್ಯಾರೋ

ಮುಗಿಲ ಮರೆಯಿಂದ

ಉಸುರಿತು..

“ಪೆಣ್ಣೇ, ಕಾಣಲೇ ಇಲ್ಲವಲ್ಲ

ನೀ ನಿನ್ನೊಳಗೇ ಅಡಗಿಹ

ಆ ಹಾದಿಯನೊಮ್ಮೆ

ಇಣುಕಿ ನೋಡಂತೆ

ಸಾಲು ಹಣತೆ ಬೆಳಗಿಸಿದ, 

ಕೆಂಗುಲಾಬಿ ಪಕಳೆ ಚೆಲ್ಲಿದ,

ಕವಲೊಡೆಯದ, ತಿರುವುಗಳಿಲ್ಲದ

ನೇರ ರಾಜಬೀದಿ, 

ದ್ವಾರ ಅಗಲವಾಗಿ 

ತೆರೆದಿಟ್ಟು ಕಾದಿದೆ

ನಿನಗಾಗಿಯೇ ನಿನ್ನೊಲವು!"

No comments:

ಈ ಬರಹಗಳೂ ನಿಮಗಿಷ್ಟವಾಗಬಹುದು!

Related Posts Plugin for WordPress, Blogger...