ಹೀಗೊಂದು ಅವನ, ಅವಳ ಸ್ವಾತಂತ್ರ್ಯ ದಿನಾಚರಣೆ!
-----------------------------------------------
ತನ್ನನ್ನು ಬಳಸಿ ಹಿಡಿದಿದ್ದ ಅವಳ ಕೈಗಳನ್ನು ಮೆಲ್ಲನೆ
ಆಚೆ ಎತ್ತಿಟ್ಟ.
“Happy freedom day!”
ಮೆಲ್ಲನೆ ಅವಳ ಕಿವಿಯಲ್ಲುಸುರಿದ!
ಒಮ್ಮೆಲೆ ಕಣ್ತೆರೆದು.. ಅಗಲವಾಗಿದ್ದ ಕಣ್ಣನ್ನು
ಮತ್ತಿಷ್ಟು ಅಗಲಮಾಡಿ,
“ಏನೂ!”
ಉತ್ತರಕ್ಕೂ ಕಾಯದೇ ಆಗಲೇ ಕಣ್ತುಂಬಿ ಬರುತ್ತಿರುವುದನ್ನು
ನೋಡಿದ ಅವನು ಪರಿಸ್ಥಿತಿ ಅರ್ಥಮಾಡಿಕೊಂಡ!
“ಇವತ್ತು ಸ್ವಾತಂತ್ರ್ಯ ದಿನಾಚರಣೆ ಕಣೆ!”
ವರ್ಷ, ತಿಂಗಳು, ವಾರ, ದಿನ, ತಾರೀಕು.. ಕಾಲಗಳ
ಪರಿವೆಯಿಲ್ಲದೆ ಅವನ ಒಲವಿನ ಬಲದಲ್ಲಿ ಉಸಿರಾಡುತ್ತಿದ್ದ ಅವಳಿಗೆ ಇಂದು ಆಗಸ್ಟ್15 ಎಂದೂ ಮರೆತೇ ಹೋಗಿತ್ತು!
ಇದೀಗ ಕಣ್ಣಲ್ಲಿ ಮೂಡಿತು ಮಳೆಬಿಲ್ಲು.. ತುಟಿಯಲ್ಲಿ
ಹೂನಗೆ! ಸಪ್ತ ಬಣ್ಣಗಳೆಲ್ಲ ಅವನ ಕಣ್ಣಲ್ಲಿ ಪ್ರತಿಫಲಿಸಿದವು!
ಅವಳ ಹೂನಗೆಯ ಪರಿಮಳ ಕೋಣೆಯಲ್ಲೆಲ್ಲಾ ಹರಡಿತು!
“ಅಲ್ವೇ, ನಾವಿಬ್ಬರು ಈ ಅನುರಾಗದ ಬಂಧನದಲ್ಲಿ
ಬಂಧಿಗಳಲ್ವೆ! ನಿನಗೆ ನಾ ಸೆರೆ, ನನಗೆ ನೀ! ಉಸಿರಿರುವ ತನಕ ನನಗಂತೂ ಈ ಸೆರೆಯಿಂದ ಬಿಡುಗಡೆ
ಬೇಡ.. ನಿನಗೂ ಬೇಕಿಲ್ಲ.. ಅಲ್ಲವಾ!”
ಆಫೀಸಿನ ಸ್ವಾತಂತ್ರ್ಯ ದಿನಾಚರಣೆಗೆ ತಡವಾಗಿ ಬಂದವನು
ಅವನೊಬ್ಬನೇ!
No comments:
Post a Comment