ನಮಗೆ ನಮ್ಮ ಆಲೋಚನೆಗಳನ್ನು ಮತ್ತು ಜೀವನಕ್ರಮವನ್ನು ಉತ್ತಮಗೊಳಿಸಲು ಸಮಯವಿಲ್ಲವೆಂದರೆ ತುಂಬಾ ದೂರದ ಪ್ರಯಾಣದ ಮಧ್ಯೆ ಇಂದನವನ್ನು ತುಂಬಿಸಲು ಸಮಯವಿಲ್ಲವೆಂದೇ ತಾನೆ! ಪ್ರಯಾಣ ಎಲ್ಲಿ ನಿಲ್ಲುತ್ತದೆಂಬುದು ಯಾರಿಗೆ ಗೊತ್ತು?

27 June, 2013

ಉಳಿದಿಲ್ಲವೀಗ ಏನೂ ಅಲ್ಲಿ!

ಅವನ, ಇವನ, ಅವಳ, ಇವಳ, ನಿನ್ನ
ಆಪಾದನೆಗಳ ಪರ್ವತ ಮನದಂಗಳದಲ್ಲಿ
ಹಿಂದಿನ ನೋವೆಲ್ಲಾ ಮುಗಿಲಾಗಿ
ಮತ್ತೆ ತೇಲಿ ಬಂತೇ

ತಣ್ಣನೆಯ ನಿಟ್ಟುಸಿರು ಹೊಮ್ಮಿತ್ತು
ತಾಗಿದೇ ಕ್ಷಣ ಮೇಘಸ್ಫೋಟ
ಪಕ್ಷವೊಂದು ಪೂರಾ ಎಡಬಿಡದೆ
ಸುರಿಯಿತಲ್ಲಿ ಧಾರಾಕಾರ ವರ್ಷ

ನೋವೂ-ನಲಿವೂ ಕೊಚ್ಚಿಹೋಯಿತು
ಒಲವಿನ ಗರ್ಭಗುಡಿ ಪೊತ್ತ
ಜರ್ಜರಿತ ಕಾಯದ ಹೊರತು
ಉಳಿದಿಲ್ಲವೀಗ ಏನೂ ಅಲ್ಲಿ!


No comments:

ಈ ಬರಹಗಳೂ ನಿಮಗಿಷ್ಟವಾಗಬಹುದು!

Related Posts Plugin for WordPress, Blogger...