ನಮಗೆ ನಮ್ಮ ಆಲೋಚನೆಗಳನ್ನು ಮತ್ತು ಜೀವನಕ್ರಮವನ್ನು ಉತ್ತಮಗೊಳಿಸಲು ಸಮಯವಿಲ್ಲವೆಂದರೆ ತುಂಬಾ ದೂರದ ಪ್ರಯಾಣದ ಮಧ್ಯೆ ಇಂದನವನ್ನು ತುಂಬಿಸಲು ಸಮಯವಿಲ್ಲವೆಂದೇ ತಾನೆ! ಪ್ರಯಾಣ ಎಲ್ಲಿ ನಿಲ್ಲುತ್ತದೆಂಬುದು ಯಾರಿಗೆ ಗೊತ್ತು?

11 August, 2012

ಸದಾ ಇರುವೆನಲ್ಲವೆ ನಿನ್ನ ಜೊತೆಯಾಗಿ! -ಇದೇ ನನ್ನ ಉತ್ತರ....





ಯಾಕೆ ನಲ್ಲ, ಯಾಕೆಂದು ಉತ್ತರಿಸು!

__________________________

ಯಾಕೆ ನಲ್ಲ
ಯಾಕೆಂದು ಉತ್ತರಿಸು!
ಅದ್ಯಾಕೆ ಈ ಪರಿಯ ಪರೀಕ್ಷೆ
ಮುಗಿಯುವುದೇ ಇಲ್ಲವೆ
ಪ್ರೀತಿಗೆ ಅದೆಷ್ಟು
ಅಡ್ಡಿ ಆತಂಕಗಳು!

ಅಲೆಅಲೆಯಾಗಿ ಎದ್ದು
ಮತ್ತೆ ಸುನಾಮಿಯ ರೂಪ ತಾಳುವ
ನನ್ನ ಭಾವಗಳ
ನಿಯಂತ್ರಿಸಲಿ ಹೇಗೆ!
ಹೇಗೆ ನಲ್ಲ,
ಹೇಗೆಂದು ಉತ್ತರಿಸು!

ಪ್ರತಿಯೊಂದು ಬಡಿತ
ಮಿಡಿತವೂ ಒಯ್ಯುತಿದೆ
ನನ್ನ ಎದೆಯ ಸಂದೇಶವ
ಕೇಳಿಸದು ಸುತ್ತ ಮುತ್ತ
ಇರುವವರಿಗೆ
ಕೇಳು ನಲ್ಲ
ಕೇಳಿತೆಂದು ಉತ್ತರಿಸು!



ಸದಾ ಇರುವೆನಲ್ಲವೆ ನಿನ್ನ ಜೊತೆಯಾಗಿ! -ಇದೇ ನನ್ನ ಉತ್ತರ....
____________________________________________

ಪ್ರಿಯ ನಲ್ಲೆ,  
ಬಲ್ಲೆನೆ
ನಿನ್ನಂತರಂಗವ ಅರಿಯದಿರುವೆನೆ!
ಕೇಳದಿರುವೆನೆ ನನ್ನೊಳಗೆ
ಮಥಿಸುತಿರುವ ಆ ಭಾವವನು!
ಇರಲಿ ತಾಳ್ಮೆ, ಸಮಾಧಾನ!
ಹಿಡಿತವಿರಲಿ ರಾಗಗಳ 
ಮೇಲೆ  ಮಾಡದಿರಲಿ ಅವು
ಸವಾರಿ ನಿನ್ನ ಮೇಲೆ!
ಅಡ್ಡಿಆತಂಕಗಳ ಗೆಲ್ಲಬಲ್ಲೆನೆಂಬ 
ನಿನ್ನ ಹುಮ್ಮಸು  
ಎಂದೂ ಆರದಿರಲಿ!
ಆತ್ಮವಿಶ್ವಾಸವೆಂದೂ 
ಸೊರಗದಿರಲಿ!
ಇರುವೆನಲ್ಲವೆ  ನಾ ನಿನ್ನ 
ಜೊತೆಯಾಗಿ ಸದಾ!
ಕಠೋರ ಹೃದಯಿಯಲ್ಲ 
ದೇವನು ನಿನ್ನ ಮೊರೆಯ 
ಖಂಡಿತ ಆಲಿಸುವನು!






No comments:

ಈ ಬರಹಗಳೂ ನಿಮಗಿಷ್ಟವಾಗಬಹುದು!

Related Posts Plugin for WordPress, Blogger...